ابھی دھیان نہیں دیا تو بانجھ بھی ہوسکتے ہیں۔۔ مردوں میں بے اولادی کی سب سے بڑی وجہ کو کیسے دور کریں؟ جانیں

اگرچہ مردوں میں ٹیسٹوسٹیرون کی سطح کو تیزی سے بڑھانے کا کوئی جادوئی حل نہیں ہے، لیکن طرز زندگی میں بہت سی قدرتی تبدیلیاں اور عادات ہیں جو صحت مند ٹیسٹوسٹیرون کی سطح کو بڑھانے میں مدد کر سکتی ہیں۔ ٹیسٹوسٹیرون ایک ایسا ہارمون ہے جو مردانہ تولیدی بافتوں اور دیگر ثانوی جنسی خصوصیات کی نشوونما اور دیکھ بھال میں اہم کردار ادا کرتا ہے۔ یہ ہارمون خواتین میں بھی پایا جاتا ہے لیکن مردوں کے مقابلے میں انتہائی کم۔ البتہ مردوں میں اس کی کمی سے صحت کے سنگین مسائل اور بانجھ پن سامنے آسکتا یے۔

پلاسٹک مضر ہے

پلاسٹک، کیڑے مار ادویات، اور ذاتی نگہداشت کی مصنوعات میں ایسے عناصر پائے جاتے ہیں جو اینڈوکرائن میں خلل ڈالتے ہیں لہذا ان کیمیکلز اور مصنوعات کا استعمال کم سے کم کریں۔

لوگوں سے میل جول

لوگوں سے میل جول اور بات چیت کرنے سے جسم میں ہارمون کی سطح میں بہتری آتی ہے۔

ذہنی تناؤ

یوں تو تناؤ صحت ے لئے ہر لحاظ سے مضر ہے لیکن دائمی تناؤ ہارمونل عدم توازن کا باعث بھی بن سکتا ہے۔ تناؤ کو کم کرنے کے لئے کام کا بوجھ کم کریں اور ذہنی طور پر پرسکون رہنے کے لئے نفسیاتی معالج سے رابطہ بھی کرسکتے ہیں۔

موٹاپا کم کریں

موٹاپا اور کم وزن دونوں ہی ہارمون کے توازن کو متاثر کر سکتے ہیں۔ غذا اور ورزش کے امتزاج کے ذریعے صحت مند وزن کو برقرار رکھنے کی کوشش کریں۔

بھرپور نیند

نیند میں کمی ٹیسٹوسٹیرون کی پیداوار کو براہِ راست متاثر کرتی ہے اس لئے نیند بھرپور لیں اور رات گئے موبائل کے استعمال سے گریز کریں۔

ٹیسٹوسٹیرون بڑھانے والی غذائیں

بروکولی، گوبھی اور کیلے میں انڈول-3-کاربنول جیسے مرکبات ہوتے ہیں جو ایسٹروجن کی سطح کو منظم کر کے ٹیسٹوسٹیرون کو بہتر کرتے ہیں۔ اس کے علاوہ پالک اور ہرے پتے والی سبزیاں میگنیشیم سے بھرپور ہوتی ہیں، جو ٹیسٹوسٹیرون کی پیداوار میں کردار ادا کرتی ہیں۔ زنک ٹیسٹوسٹیرون کے لئے اہم معدنیات ہے جو کدو کے بیج، دالیں، پھلیاں، گری دار میوے اور گائے گا گوشت میں مل جاتا ہے۔ سالمن، ٹراؤٹ اور مچھلیوں میں اومیگا ٣ فیٹی ایسڈ موجود ہوتا ہے جبکہ انڈے وٹامن سے بھرپور ہوتے ہیں۔ پیاز میں فلیونائڈز اور لہسن میں ایلسین جبکہ ادرک اور زیتون کا تیل بھی ٹیسٹوسٹیرون کی سطح بڑھانے میں اہم کردار ادا کرتے ہیں۔