صرف 9 برس شادی رہی اور۔۔ سنجے دت کی پہلی بیوی کی موت کیسے ہوئی؟ بہن نے اداکار کے ہولناک دور کے بارے میں بتا دیا

Priya Dutt Reveals How Sanjay Dutt Dealt With Death Of His First Wife

سنجے دت کی بہن پریا دت نے برسوں بعد ایک ایسا زخم چھیڑ دیا ہے جس کی تکلیف آج بھی دلوں میں زندہ ہے۔ انہوں نے پہلی بار سنجے دت کی اہلیہ رچّا شرما کی موت اور اس کے بعد سنجے پر گزرنے والے ہولناک دور کے بارے میں کھل کر بات کی۔

رچّا شرما، جنہوں نے 1987 میں بولی وڈ میں قدم رکھنے کے فوراً بعد سنجے دت سے شادی کی تھی، صرف چند برس بعد کینسر کے خلاف شدید لڑائی ہار گئیں۔ 1996 میں وہ دنیا سے رخصت ہوئیں، اور اس سانحے نے دت خاندان کو اندر تک ہلا کر رکھ دیا۔

پریا دت بتاتی ہیں کہ رچّا کے انتقال کے وقت سنجے دت خود قانونی مشکلات میں الجھے ہوئے تھے اور گرفتاری کے باعث ان کا درد اور بے بسی کئی گنا بڑھ گئی تھی۔

ان کے مطابق، بھائی نے زندگی میں کبھی سکون نہیں پایا۔ رچّا کی بیماری، اتنی کم عمر میں برین ٹیومر کی تشخیص… اور پھر اچانک چلے جانا، یہ سب کچھ انتہائی دل توڑ دینے والا تھا۔

پریا کا کہنا ہے کہ ان حالات نے سنجے دت کو ٹکڑے ٹکڑے کر دیا تھا، لیکن پھر بھی خاندان نے حوصلے اور دعا کے ساتھ ہر مشکل کا مقابلہ کیا۔

وہ مزید کہتی ہیں، خدا کا کرم ہے کہ ہم ہر آزمائش سے پہلے سے زیادہ مضبوط ہو کر نکلے۔ زندگی نے بدترین بھی دکھایا اور بہترین بھی۔

سخت ترین آزمائشوں کے باوجود سنجے دت نے خود کو سنبھالا، دوبارہ کھڑے ہوئے اور فلم انڈسٹری میں اپنی محنت، قابلیت اور مستقل مزاجی سے ایک مضبوط مقام قائم کیا — ایک بار پھر یہ ثابت کرتے ہوئے کہ اندھیری رات کے بعد سورج ضرور طلوع ہوتا ہے۔