شادی طے ہونے پر گھر جلا ڈالا ۔۔ لڑکے کے انوکھے انجام نے سب کچھ ختم کر دیا، جانیے

سوشل میڈیا پر دلچسپ اور حیرت انگیز خبریں موجود ہیں جو کہ صارفین کی توجہ حاصل کر رہی ہوتی ہیں۔

بھارتی ریاست مدھیا پردیش کے شہر بھوپال میں ایک ایسا حیرت انگیز واقعہ پیش آیا ہے جس نے سب کو خوفزدہ کر دیا ہے۔ دراصل بھوپال کے ایک گھر میں آگ لگنے کے باعث 7 افراد زندہ جل گئے، جبکہ کئی افراد کی حالت غیر ہوگئی۔

دھواں بھر جانے اور جان لیوا گیس کے اخراج کی وجہ سے گھر کے رہائشیوں کی موت واقع ہوئی، آگ کی شدت اس حد تک تھی کہ پورے علاقے میں دھوئیں کے سیاہ بادل چھا گئے، جبکہ آگ کے شعلے آس پاس کے گھروں تک بھی پہنچ رہے تھے۔

رہائشیوں کا خیال تھا کہ آگ شارٹ سرکٹ کے باعث لگی لیکن پولیس تحقیقات نے واقعے کو مزید سنجیدہ بنا دیا، پولیس کی جانب سے انکشاف کیا گیا کہ آگ پلاننگ کے ذریعے لگائی گئی، جس کے لیے مکمل تیاری کی گئی تھی۔'

جبکہ پولیس کی جانب سے شبھم ڈکشت نامی نوجوان کو بھی گرفتار کیا گیا ہے، جس نے اعتراف کیا ہے کہ عشق میں ناکامی پر محبوبہ کے گھر کو ہی آگ لگا دی۔ لڑکی اور اس کی والدہ اسی گھر میں رہائش اختیار کیے ہوئی تھیں جس میں شبھم نے آگ لگائی۔

لیکن آگ کے اس واقعے میں مذکورہ لڑکی اور اس کی والدہ گھر سے نکلنے میں محفوظ رہیں، البتہ عمارت میں موجود دیگر رہائشی بچ نہ سکے، مذکورہ لڑکی اور ملزم شبھم میں آئے روز جھگڑے ہوتے رہتے تھے جبکہ شبھم نے اپنی گرل فرینڈ سے پیسے بھی ادھار لے رکھے تھے۔
مذکورہ لڑکی نے شبھم سے دوستی ختم کرنے اور کسی دوسرے لڑکے سے شادی کرنے کا ارادہ جب شبھم سے ظاہر کیا تو شبھم نے بدلہ لینے کا فیصلہ کیا تھا اور لڑکی کے گھر کو ہی آگ لگا دی، ملزم کو گرفتار کر لیا گیا ہے۔