انہوں نے کینسر میں بھی اپنا کام جاری رکھا ۔۔ مشہور پاکستانی اداکارائیں جنہوں نے کیسنر جیسے جان لیوا مرض کو شکست دی اور واپس زندگی کی طرف لوٹ آئیں

کینسر کا نام سن کر ہی روح کانپ جاتی ہے کیونکہ اگر یہ کسی کو ہوجائے تو زندہ رہنے کے امکانات بہت کم ہوجاتے ہیں۔ جو افراد آج کینسر میں مبتلا ہیں ان کی زندگی کا ایک ایک وقت انتہائی سخت ہے۔ لیکن اگر وقت پر کینسر کا علاج کرالیا جائے تو اس بیماری سے محفوظ رہا جا سکتا ہے۔

ہمارے سامنے بہت سے ایسے نام موجود ہیں جنہوں نے کینسر سے جنگ لڑی اور پھر ایک خوشگوار زندگی حاصل کی۔

مشہور پاکستانی خواتین شخصیات جنہوں نے کینسر کو شکست دی آج ہم ان کے بارے میں جانیں گے۔

نادیہ جمیل

شوبز انڈسٹری کا مشہور نام نادیہ جمیل جنہوں نے بہادری کے ساتھ کینسر جیسی جان لیوا مرض کا مقابلہ کیا۔

ایک انٹرویو میں اداکارہ نادیہ جمیل نے اپنی بیماری اور علاج سے متعلق انکشاف کیا تھا کہ کہ کیموتھراپی اور ریڈیئیشن کے دوران ان کے جسم کی نسیں تک جل گئی تھیں۔ نادیہ جمیل کے مطابق خدا کی جانب سے عطا کی گئی طاقت اور ہمت کی وجہ سے ہی انہوں نے کینسر جیسے موذی مرض کا ڈٹ کر مقابلہ کیا اور صحت یاب ہوئیں۔

اسماء عباس

پاکستان کی معروف اداکارہ اور بشریٰ انصاری کی بہن اسماء عباس کا شمار کینسر جیسی خطرنال بیماری کو شکست دینے والی مشہور شخصیات میں کیا جاتا ہے۔ یہ وہ بہادر اداکارہ ہیں جنہوں نے اپنی بیماری میں بھی اپنا کام جاری رکھا اور نہ صرف اس کا مقابلہ کیا بلکہ شکست بھی دی۔

پلوشہ یوسف

مشہور اداکارہ سائرہ یوسف کی چھوٹی بہن اور ماڈل پلوشہ یوسف نے بھی کینسر سے ڈٹ کر مقابلہ کیا اور اب انہیں کینسر سے نجات مل گئی ہے ۔جبکہ اسی مرض سے ان کی بڑی بہن رقیہ کا بھی انتقال ہوا تھا۔

اسما نبیل

اسما نبیل ایک بہترین، نفیس، اور بہادر خاتون تھیں۔ یہ مشہور شخصیت بھی کینسر جیسے موذی مرض سے جنگ لڑ رہی تھیں۔ان کا انتقال 2 جولائی 2021 میں ہوا۔