جیسے ہی خون دیکھا فوراً ڈاکٹر کے پاس گئی اور ۔۔ شیف شیرین انور نے کینسر جیسے خطرناک مرض کو کیسے شکست دی؟ بتاتے ہوئے آبدیدہ ہوگئیں

شیف شیریں انور عرف شیریں آپا برسوں سے مصالحہ ٹی وی کا حصہ ہیں، جو اپنی مزیدار اور لذیذ کھانے کی ترکیبیں دنیا کے ساتھ شیئر کرتی ہیں۔ وہ اپنے شگفتہ لہجے اور انداز سے سب کو ہی اپنا مداح بنانے کی قابلیت رکھتی ہیں، اور آج ان کے لاکھوں چاہنے والے پاکستان سمیت کئی ممالک میں موجود ہیں۔

شیف شیریں انور کینسر جیسے موذی مرض کا شکار ہوچکی ہیں اور انہوں نے چھاتی کے کینسر کے عالمی دن پر اپنی کہانی خواتین کے ساتھ شیئر کی اور انہیں ایک پیغام بھی دیا۔

شیریں آپا بتاتی ہیں کہ، مجھے ایک دن اچانک تکلیف محسوس ہوئی اور ہلکی سی بلیڈنگ بھی، میں تھوڑا گھبرائی ضرور مگر پھر خود کو سنبھالا اور اگلے دن ڈاکٹر کے پاس گئی، انہوں نے ٹیسٹ وغیرہ کرائے، پھر ہماری خاندانی ہسٹری دیکھتے ہوئے انہوں نے بائیوپسی کرائی تو معلوم ہوا کہ کینسر کی شروعات ہے۔

اللّٰہ کا بہت کرم ہوا کہ پہلے ہی معلوم ہوگیا اور میں نے علاج شروع کروادیا، نہ کیمو کرانے کی ضرورت پیش آئی نہ ہی ریڈیشن بس سرجری ہوئی۔ جس کے بعد میں نے ایک ماہ ریسٹ کیا اور پھر دوبارہ کام پر آگئی۔

اس پورے سفر میں جس چیز نے میرا ساتھ دیا وہ تھا میرا رب اور اس پر میرا بھروسہ، میں نے ہمت نہیں ہاری نہ ہی خود کو کمزور پڑنے دیا، یہی وجہ ہے کہ میں جلدی ٹھیک ہوسکی۔

ساتھ ہی شیریں آپا نے عورتوں کو پیغام دیا کہ اس چیز کو معمولی نہ لیں اور ہلکہ سا بھی شبہ ہو تو ڈاکٹر کو لازمی چیک کرائیں نہیں تو یہ آگے جا کر ٹھیک نہ ہونے والا مسئلہ بن جاتا ہے۔