دنیا بھر سے اکثر ایسی خبریں انٹرنیٹ پر وائرل ہوتی رہی ہیں کہ کسی شخص نے نوکیا 3310 موبائل فون نگل لیا تو کسی خاتون کے پیٹ سے سوئیاں نکلیں۔
اب اسی طرز کا ایک اور واقعہ پیش آیا تھا کہ ایک مصری شہری نے ایک موبائل فون چند ماہ قبل نگل لیا تھا جس کے باعث وہ کئی ماہ شدید تکلیف میں مبتلا رہا۔
مذکورہ شخص کو اسوان یونیورسٹی ہسپتال میں جمعہ کی شب پیٹ میں شدید درد کے باعث مریض کو داخل کیا گیا۔
مریض کا معائنہ کرنے کے بعد ڈاکٹرز نے بتایا کہ آدمی شدید انفیکشن اور پیٹ کے درد کا شکار ہے۔
ڈاکٹروں نے فیصلہ کیا فوری سرجری سے قبل مریض کے پہلے ایکس رے اور لیب ٹیسٹ کیے جائیں۔
بعدازاں ان کا کہنا تھا کہ مریض کے پیٹ سے ’’ بیرونی آلہ ‘‘ نکالنے کے لیے آپریشن کی ضرورت ہے۔
ڈاکٹروں کو پھر احساس ہوا کہ اس نے ایک چھوٹا سا فون نگل لیا ہے ، جو مریض کے کھانے کو ہضم ہونے سے روک رہا ہے، اور تکلیف دہ درد کا سبب بنتا ہے۔
پھر ڈاکٹرز نے مریض کے پیٹ سے آپریشن کے ذریعے 6 ماہ بعد موبائل فون نکالا جس کے بعد مریض کی حالت مستحکم بتائی گئی۔
