دیدار سے سچی محبت کرتا تھا اور.. عبدالرزاق اور دیدار کا رشتہ ہوجانے کے باوجود شادی کیوں نہ ہوئی؟

"اب اتنی پرانی چیزوں پر کیا بات کریں. عبدالرزاق سے شادی کی بات ہوئی تھی ان کے گھر والے آئے ہاتھ پر مہندی اور پیسے رکھے کر گئے ایک طرح سے رسم ہوگئی تھی۔ لیکن عبدالرزاق چاہتے تھے کہ میں شوبز چھوڑ دوں جبکہ میری خواہش تھی کہ شوبز میں مشہور ہوجاؤں اسی وجہ سے بات نہیں بن سکی اور ہمارا رشتہ ٹوٹ گیا"

یہ کہنا ہے تھیٹر سے تعلق رکھنے والی نامور اداکارہ دیدار کا جنھوں نے ایک نجی شو میں پاکستان کے آل راؤنڈر کھلاڑی عبدالرزاق کے بیان کی وضاحت دیتے ہوئے ان کے اور اپنے درمیان رشتے کے بارے میں بات کی.

واضح رہے کہ کچھ دن پہلے عبدالرزاق نے کہا تھا کہ وہ اداکارہ دیدار سے سچی محبت کرتے تھے اور دیدار ہی ان کی دوست اور پہلی محبت تھیں. وہ دیدار سے شادک بھی کرنا چاہتے تھے البتہ انھوں نے شادی کا کوئی وعدہ نہیں کیا تھا.

عبدالرزاق کا کہنا تھا کہ میں نے دیدار سے شادی کا وعدہ نہیں کیا تھا میں نے ان سے کہا تھا کہ دیکھیں گے جب وقت آئے گا تو فیصلہ کریں گے. میں چاہتا تھا کہ دیدار اداکاری چھوڑ دیں جبکہ دیدار کہتی تھیں کہ وہ اسٹیج کے ڈرامے وغیرہ نہیں چھوڑ سکتیں تو میں نے ان سے کہا تھا کہ پھر میرے لیے مشکل ہوجائے گا، دیدار نے اسٹیج چھوڑنے سے انکار کیا تو ہمارا بریک اپ ہوگیا.

عبدالرزاق کی شادی کو کئی برس گزر چکے ہیں اور وہ ایک بیٹے اور دو بیٹیوں کے والد ہیں اور اپنے خاندان کے ساتھ خوش و خرم زندگی گزار رہے ہیں.