کینو کے چھلکوں کے 9 استعمالات

کینو کے چھلکے کا پاؤڈر کرشماتی پاؤڈر ہے کیونکہ اس کے استعمال سے جلد میں قدرتی چمک اور تازگی پیدا ہوتی ہے ۔ کینوکے چھلکے کا پاؤڈر گھر میں تیار کرکے محفوظ کرنا بہت آسان ہے جب کینو کا موسم آئے آپ اس کو بنا کر رکھ لیں اور ساراسال استعمال کرسکتے ہیں ۔
کینو کے چھلکے کے بے شمار فائدے جن کو ہم نہیں جانتے ۔

کینو کے چھلکے کا پاؤڈر بنانا :
کینو کے چھلکے کا پاؤڈر بنانا مشکل نہیں ہے ۔ آپ جب بھی کینو کھائیں تو اس کے چھلکے محفوظ کرلیں اور اسے دو سے تین دن تک دھوپ میں رکھیں یہاں تک کہ خشک ہوکر سخت ہوجائیں ۔ اب ان کو گرینڈ کرلیں کہ پاؤڈر بن جائے اور اس پاؤڈر کو کسی بوتل میں محفوظ کرلیں ۔

رنگ گورا کرنے کے لیے :
کینو کے چھلکے کے پاؤڈر کو دھی میں مکس کرکے چہرے پر لگائیں اور ہلکے ہاتھوں سے سکرب کریں پھر پندرہ منٹ بعد دھولیں ۔ یہ جلد سے چکنائی کم کرکے رنگت نکھارتا ہے ۔ کیا آپ کے چہرے پر چھائیاں یا کسی قسم کے نشانات ہیں ؟ تو کینو کا چھلکا آپ کے لئے فائدہ مند ہے کیونکہ اس میں قدرتی طور پر بلیچ کی خصوصیات پائی جاتی ہیں ۔

چکنی جلدکاعلاج :
اگر آپ کی جلد چکنی ہے اور مسام کھلے ہیں یا چہرے پر داغ دھبے اور دانے ہیں ان سب مسائل سے نبرد آزما ہونے کے لیے کینو کے چھلکے کا پاؤڈر بہت مفید ہے ۔ پاؤڈر کو انڈے کی سفیدی اور لیموں کا رس چند قطرے میں مکس کرکے پندرہ منٹ چہرے پر لگا رہنے دیں اور پھر دھولیں ۔ ہفتے میں ایک بار استعمال فائدہ مند ہے ۔

دانے ختم کرنے کے لئے
جب چہرے پر گندگی کی وجہ سے مسامات بند ہوجائیں تو دانے بن جاتے ہیں جو چہرے کی ساری خوبصورتی کو ماند کردیتے ہیں۔ ان دانوں کو ختم کرنے کے لیے کینو کے چھلکے کا پاؤڈر بہت مفید ہے کیونکہ وہ جلد کی گہرائی تک صفا کرتا ہے ۔ کینو کے چھلکے کے پاؤڈر میں پانی ملا کر پیسٹ بنالیں اور اسے پورے چہرے پر لیپ کرلیں پھر پندرہ منٹ بعد دھولیں ۔ا س سے ناصرف دانے ختم ہوں گے بلکہ چہرے سے چکنائی کو ختم کرنے میں بھی مددملے گی ۔

چہرے سے کیل ختم کرنا :
چہرے سے کیل مہاسے ختم کرنے کا آسان اور سادہ طریقہ یہ ہے کہ چہرے پر کینو کی چھال سے بنا ماسک لگائیں ۔ ایک سادہ ماسک بنانے کے لئے ایک حصہ دھی میں دو حصے کینو کے چھلکے کاپاؤڈر ملا کر گاڑھی پیسٹ بنالیں ۔ انگلیوں کو گولائی میں حرکت دیتے ہوئے نرمی سے چہرے پر لگالیں اور پندرہ منٹ بعد نیم گرم پانی سے دھولیں ۔ اس سے نا صرف قدرتی طور پر اور بغیر درد کے کیل نکل جائیں گے بلکہ چہرے کی اچھے طریقے سے صفائی بھی ہوجائے گی۔

چہرے کو تروتازہ رکھنے کے لیے :
کینو کے چھلکے کا پاؤڈر اور دودھ برابر مقدار میں مکس کرکے ہموار پیسٹ بنالیں اور اس فیس ماسک کو بیس منٹ کے لیے چہرے پر لگالیں ۔ نیم گرم پانی کی مدد سے ہلکے ہاتھوں سے اُتار دیں ۔ اس کے استعمال سے آپ اپنی جلد کو تروتازہ محسوس کریں گے ۔

دانتوں کو سفید کرنا
کینو کے چھلکے کا پاؤڈر دانتوں سے پیلے دھبے ختم کرکے ان کو سفید کرنے کا آسان اور سستا ذریعہ ہے ۔ آپ پاؤدر کا پیسٹ بنا کر یا پاؤڈر کو دانتوں پر ملیں ، روزانہ کے استعمال سے دانت سفید ہوجائیں گے ۔

بڑھتی عمر کے لیے :
کینو کے چھلکے کا پاؤڈر اور ہلدی میں پانی مکس کرکے استعمال کرنے سے بڑھتی عمر کے اثرات کم ہوتے ہیں ۔ جلد کی صفائی ہوتی ہے اور یہ داغ دھبوں کو بھی ختم کرتا ہے ۔

جسمانی سوزش :
اگر جسم پر کوئی کیڑا کاٹ جائے یا کسی قسم کی سوزش ہوجائے تو زہریلا اثر ختم کرنے میں بھی کینو کا چھلکا بہترین ہے ۔

جسمانی تھکاوٹ دور کرنا :
غسل کرتے ہوئے اگر پانی میں کینو کے چھلکے ڈال لئے جائیں تو ان کی خوشبو جسمانی تھکاوٹ دور کرکے جلد کو تازگی اور فرحت کا احساس دیتی ہے ۔

Yet you have been disposing orange peels. But after reading this article you would repent why didn't you know this before. Today, we are going to tell you some exclusive orange peel benefits for skin, hair, teeth and anti aging. KFoods will guide you how to make orange peel powder and its further uses for beauty and skin care.

Orange peels can be used in many different ways. You can make its powder, its tea and also without any process. Read ahead and discover its wonders for you.