جانیں تیزی سے بال بڑھانے کے 5 قدرتی طریقے جن سے آپ کے بال بھی ہو جائیں گے گٹھنوں تک لمبے اور بے حد مضبوط

لمبے بال ہر عورت کا خواب ہوتا ہے لیکن انہیں لمبے کرنے میں مہینوں سے سال تک کا عرصہ لگ جاتا ہے، ماہرین بتاتے ہیں کہ بالوں کی لمبائی میں ہر مہینے آدھے انچ کا فرق آتا ہے، اس لئے ان کو بڑھا ہوا نظر آنے میں مہینوں لگ جاتے ہیں، آج ہم آپ کو کوئی نسخہ نہیں بلکہ چند ایسے طریقے بتا رہے ہیں جن کو اپنا کر قدرتی طریقے سے بالوں کی نشونما میں مدد دے سکتے ہیں۔

بال بڑھانے کے لئے چند مفید طریقہ کار

• بال تراشنا

یہ سوچ بلکل غلط ہے کہ بال تراشنے سے بالوں کی لمبائی میں فرق آتا ہے، درحقیقت بال تراشنے کا عمل بے جان اور بالوں کے روکھے سِروں یعنی اسپلٹ اینڈز کو ختم کر کے ان کی نشو نما میں تیزی لاتا ہے اس لئے ہر 3 ماہ میں ایک بار بالوں کی نوکیں لازمی کاٹنی چاہیئے۔

• شیمپو

شیمپو بالوں کو صاف کرنے کے لئے کیا جاتا ہے لیکن اس کا استعمال صرف ضرورت کے تحت کریں، اکثر اوقات لڑکیاں روزانہ شیمپو کرتے رہنے کی عادتے بنا لیتی ہیں جس کی وجہ سے بالوں کا قدرتی تیل اور نمی ختم ہوجاتی ہے اور بال روکھے اور خشک ہو کر ٹوٹنے لگتے ہیں، اور یہی وجہ ہے کہ طرح بالوں کی لمبائی بھی متاثر ہوتی ہے جس کی وجہ سے ان کے بڑھنے کا عمل رُک جاتا ہے۔

• کنڈیشنر

بالوں کی دیکھ بھال میں ایک بڑی غلطی یہ ہوتی ہے کہ شیمپو کے بعد کنڈیشنر استعمال نہیں کیا جاتا کیونکہ ہم سوچتے ہیں کہ اتنے سارے کیمیکل لگ جائیں گے تو بال خراب ہوں لیکن دراصل یہ ہماری غلط فہمی ہے، اگر آپ کے بال قدرتی طور پر خشک نہ بھی ہوں تو بھی صرف بالوں کے سِروں پر کنڈیشنر کا استعمال کرنا لازمی ہے، لیکن یہ یاد رکھیں کہ اسے بالوں کی جڑوں پر استعمال نہ کریں۔

• تیل

بالوں میں باقاعدگی سے تیل لگانا بھی ان کی بہتر نشونما کے لئے بےحد ضروری ہے، تیل بالوں کی جڑوں کو مضبوط بنا کر انہیں ٹوٹنے اور جھڑنے سے روکتا ہے، اس لئے ہفتے میں دو مرتبہ تیل ضرور لگائیں۔

• کنگھی

روزانہ رات کو باقاعدگی سے بالوں میں کنگھی یا برش پھیرنے سے سر کی جلد میں دوران خون تیز ہوتا ہے، جو لوگ بالوں کو بہت کم کنگھی کرتے ہیں ان کے بال زیادہ جھڑتے ہیں، اس کے علاوہ برش یا کنگھی کرنے سے بالوں کا قدرتی تیل سر کی جلد سے بالوں کے سِروں تک باآسانی پہنچ جاتا ہے اور اس طرح بالوں کی نشونما ہوتی ہے اور یہ تیزی سے لمبے ہوتے ہیں۔

By Sadia    |    In Tips and Totkay   |    0 Comments    |    8191 Views    |    01 Jul 2021

Comments/Ask Question

Read Blog about جانیں تیزی سے بال بڑھانے کے 5 قدرتی طریقے جن سے آپ کے بال بھی ہو جائیں گے گٹھنوں تک لمبے اور بے حد مضبوط and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (جانیں تیزی سے بال بڑھانے کے 5 قدرتی طریقے جن سے آپ کے بال بھی ہو جائیں گے گٹھنوں تک لمبے اور بے حد مضبوط) and how to utilize other natural ingredients to cure diseases, easy recipes, and other information related to food from KFoods.