بیکنگ سوڈا ایک بہترین کلینر ۔۔۔ قیمت سستی فوائد مہنگے جو چمکائے چیزوں کو منٹوں میں ۔۔۔

بیکنگ سوڈا تقریباً ہر گھر میں موجود ایک عام سی چیز ہے مگر اس کے فائدے بے شمار ہیں، یہ صرف روٹی اور بیکنگ وغیرہ کے کھانے بنانے میں مدد نہیں دیتا بلکہ اس سے آپ کے کچن میں ہونے والے چند مسائل آرام سے حل ہو سکتے ہیں ۔

ٹپس

٭ ڈٹرجنٹ سے برتن دھونے میں مسئلہ:

کچھ خواتین کو ڈٹرجنٹ سے برتن دھونے کی وجہ سے خارش کا مسئلہ ہو جاتا ہے یا پھر ان کی انگلیاں چھل جاتی ہیں یہ مسئلہ ان کی جسمانی بیماری کی وجہ سے ہوتا ہے کیونکہ ڈٹرجنٹ میں استعمال ہونے والا کیمیکل ہاتھوں کی جلد کو خراب کردیتا ہے، لہٰذا اگر آپ بھی اس مسئلے سے جان چھڑانا چاہتی ہیں تو استعمال کریں یہ ٹپ اور پائیں بیکنگ سوڈے سے زبردست فائدہ۔

ٹپ

دو چمچ بیکنگ سوڈا لیں اور اس میں تھوڑا سا پانی شامل کرکے مکس کرلیں اور اس میں تھوڑا سا سرکہ یا پھر لیموں کا رس شامل کر لیں۔ اس سے برتن دھوئیں آپ دیکھیں گی کہ برتن بھی چمک جائیں گے اور آپ کے ہاتھ بھی نہیں چھلیں گے۔

٭ چولہے اور فرش پر جما ہوا آئل:

اکثر فرائڈ آئٹم بناتے ہوئے یا سالن میں بھگار لگاتے وقت چولہے یا فرش پر آئل کے چھینٹے پڑ جاتے ہیں جس کی وجہ سے آئل جم جاتا ہے، ایسے میں بیکنگ سوڈا کی ٹپ آپ کے لئے حاضر ہے۔

ٹپ

دو چمچ بیکنگ سوڈا، لیموں کا رس اور نمک مکس کریں۔ پھر اس پیسٹ کو فرش یا چولہے پر لگائیں اور کپڑے کی مدد سے رگڑ لیں، لیجیئے جلد ہی صاف ہو جائے گا آپ کا فرش اور چمک جائے گا چولہا ۔

٭ انڈے جلدی ابالنا:

انڈوں کو جلدی ابالنا چاہتی ہیں تو یہ طریقہ اپنائیں اور وقت بھی بچائیں۔

ٹپ

ایک چمچ بیکنگ سوڈا ڈال کر انڈے ابا لیں، اس طرح انڈہ بھی جلدی ابلے گا اور اس کا چھلکا بھی کم وقت میں اتر جائے گا۔

بیکنگ سوڈا فائدہ مند کیوں؟

بیکنگ سوڈا میں الکلائن خصوصیات اور ایسٹک ایسڈ پایا جاتا ہے جو اس کو کلیننگ اور دیگر ٹپس کے لئے مفید بناتا ہے۔