اُن کی حرکتیں ناگوار ہوتی جا رہی ہیں۔۔ نتاشا علی کی حرا مانی پر کھل کر تنقید! کیا کچھ کہہ ڈالا؟

Natasha Ali Rate Actresses And Criticized Hira Mani

شوبز انڈسٹری میں جہاں اداکارائیں ایک دوسرے کی تعریف کرنے سے کتراتی ہیں، وہیں اداکارہ نتاشا علی نے حال ہی میں ایک نجی ٹی وی شو میں ایسا کچھ کہہ دیا جس پر سوشل میڈیا ہل کر رہ گیا۔

پروگرام کے دوران ایک سیگمنٹ میں انہیں مختلف اداکاراؤں کو ان کی اداکاری کی بنیاد پر نمبرز دینے کا چیلنج دیا گیا، اور نتاشا علی نے بغیر کسی جھجک کے دل کی بات زبان پر لے آئیں۔

ہانیہ عامر کو انہوں نے سب سے بہترین اداکارہ قرار دیا اور 10 میں سے 10 نمبر دے ڈالے! ان کا کہنا تھا، ہانیہ کا ٹائم چل رہا ہے، وہ ہر کردار میں جچتی ہیں۔

ماہرہ خان کو دیے 9 نمبر، عائزہ خان 8 پر آ گئیں، اور اقرا عزیز، مہوش حیات اور عائشہ عمر کو ملے 6 سے 7 نمبرز۔

لیکن حرا مانی پر بات آئی تو نتاشا علی نے کھل کر تنقید کی۔ ان کا کہنا تھا، پہلے حرا ایک باوقار اور دلکش اداکارہ تھیں، مگر اب ان کا انداز اور رویہ بدل چکا ہے۔ لوگوں کو اُن کی حرکتیں ناگوار گزر رہی ہیں، اسی لیے میں انہیں اب صرف 5 نمبر دوں گی۔

نتاشا نے ثروت گیلانی کو بھی 5 نمبر دیے اور دعویٰ کیا کہ اپنی جگہ وہ ان دونوں سے بہتر اداکارہ ہیں۔

دلچسپ بات یہ کہ جب اپنی اداکاری کی ریٹنگ کا وقت آیا، تو انہوں نے خود کو 6 نمبر دے کر خودتنقیدی کا پہلو بھی دکھایا، مگر ساتھ ہی یہ پیغام بھی دیا کہ، میں آج جہاں ہوں، اپنی محنت کی بدولت ہوں… اور آگے اور بہتر کرنا ہے۔

اس بےباک انٹرویو کے بعد شوبز حلقے اور مداحوں میں نئی بحث چھڑ گئی ہے—کیا واقعی نتاشا علی کا تجزیہ درست ہے، یا صرف سرخیوں میں آنے کا طریقہ؟

اب باری ہے آپ کی—کیا آپ نتاشا علی کی باتوں سے متفق ہیں؟