ناریل کے چھلکوں کو چولہے پر جلا کر استعمال کرنے سے کیا ہوتا ہے؟ چھلکوں کے استعمال کی وہ سستی ٹپ جو ہر گھر میں کام آئے

پکے ہوئے ناریل کو کھانے اور اس کا میٹھا میٹھا رس دار پانی پینے کا بھی اپنا الگ ہی مزہ ہے اور اس موسم میں تو ناریل کا استعمال زیادہ سے زیادہ کرنا چاہیے تاکہ جسم کو ہائیڈریٹ رکھ سکیں اور اپنے گٹھنوں، ہڈیوں کو مضبوط بنانے کے ساتھ ساتھ جلد کو بھی خوبصورت بنا سکیں۔ یہ ناریل گھر پر لا کر آپ اس کا چھلکا ہٹا کر پانی نکال کر پی جاتے ہیں اور مزے سے نرم ناریل کھا جاتے ہیں۔ لیکن اس کے چھلکوں کو غیر ضروری سمجھ کر پھینک دیتے ہیں تو یہ غلطی اس مرتبہ نہ کریں بلکہ جانیں ان چھلکوں کو بھی استعمال کرنے کا وہ طریقہ جو مہنگے ٹریٹمنٹس کا پیسہ بچا سکتا ہے۔

ناریل کے چھلکوں کو فرائی پین میں ڈالیں اور ان کو اچھی طرح آگ پر پکائیں یہاں تک کہ یہ بالکل جل کر راکھ ہو جائیں اور ایک چمچ کی مدد سے اس کو الگ کرلیں۔

لیکن کیوں؟

گھر میں سٹیل کے برتن، فرائی پین یا کوئی پتیلی کالی ہوگئی ہے تو اس کو ناریل کی اس جلی ہوئی راکھ کے اندر رکھ کر سیک لگائیں اور پھر دھوئیں، ساری گندگی منٹوں میں صاف ہو جائے گی۔

اہم فائدہ:

٭ جن لوگوں کے بال سفید ہوگئے ہیں وہ کالا ہیئر کلر کرکے تھک چکے ہیں ان کے لیے یہناریل کی راکھ بہترین ہے۔

استعمال کیسے؟

چھلکوں کی اس راکھ کو اچھی طرح چمچ کی مدد سے باریک کریں کہ بالکل پاؤڈر کی شکل تیار ہو جائے۔
اب اس میں ایلوویرا کا جیل ڈال کر مکس کریں اور اس کو بالوں میں لگائیں۔ بال کالے بھی ہوں گے اور مضبوط بھی ہوں گے ساتھ ہی بالوں میں پانی کی کمی بھی دور ہو جائے گی۔