ایک وقت میں 2 لوگوں سے پیار ہو سکتا ہے ۔۔ پیار میں پاگل نوجوانوں کو نادیہ افغن نے کیا دلچسپ مشورہ دے دیا؟

نادیہ افغن پاکستانی شوبز انڈسٹری کی ایک جانی مانی اداکارہ ہیں جنہوں نے اپنے منفرد کرداروں سے مداحوں کا دل جیتا ہے۔ نادیہ اپنے بے باک انداز اور خوش مزاج طبعیت کی وجہ سے بھی پسند کی جاتی ہیں۔

حال ہی میں نادیہ نے عمران اشرف کے شو میں شرکت کی جہاں انہوں نے پیار محبت کے حوالے سے بات کی، ان کی باتیں اتنی مزیدار تھیں کہ وہاں موجود ہر کوئی ہنسنے پر مجبور ہوگیا۔

پیار کے بارے میں پوچھے گئے سوال پر نادیہ کا کہنا تھا کہ، انسان کو ایک وقت میں دو لوگوں سے محبت ہو سکتی ہے۔ کسی کی عادتیں آپ کے جیسی ہونگی جو آپ کو ان کے قریب کرئے گی تو کسی کو دیکھ کر ہی پیار آجائے گا کہ ہائے یہ کتنا پیارا ہے۔ ایسے میں کسی ایک کو چھوڑنا مشکل لگے گا لیکن کچھ وقت میں سب نارمل ہوجائے گا۔

نادیہ نے نوجوانوں کا حوالہ دیتے ہوئے کہا کہ، ایسے بچے مجھے بہت برے لگتے ہیں جو ایک بات پر ہی اڑ جائیں کہ یہ نہ ملی تو مر جائیں گے یہ ہوجائے گا وہ ہوجائے گا۔ جبکہ ایسا کچھ نہیں ہوتا کوئی کسی کے بغیر نہیں مرتا، سامنے والے کا نمبر ڈیلیٹ کریں، موبائل بند کریں 4 ہفتے، بس اتنا کافی ہے بھولنے کے لیئے اسکے بعد سب اپنی لائف میں مصروف ہوجاتے ہیں۔

انہوں نے مزید کہا کہ اب تو زمانہ اتنا تیزی سے آگے بڑھ رہا ہے کہ چار ہفتے بھی زیادہ لگ رہے ہیں۔ ان کی باتیں سن کر سب محضوض ہوئے یہاں تک کہ عمران اشرف نے تو انہیں لَو گُرو بننے کا مشورہ بھی دے دیا جس پر نادیہ ہنس پڑیں۔