بچے کی قبر سے سجاوٹ ہٹا دو ورنہ ۔۔ ایک ماں کس طرح اپنے 7 سالہ بچے کی خاطر قانون سے لڑ گئی؟

ایک ماں اپنے بچے کی خاطر پوری دنیا سے لڑ سکتی ہے یہ تو آپ نے سنا ہی ہوگا، لیکن آج ہم جس عورت کی کہانی آپ کو سنانے جا رہے ہیں اس نے یہ سچ کر دکھایا۔

ہوا کچھ یوں کہ، انگلینڈ میں ایک عورت کو سرکاری ہدایت موصول ہوئی جس میں کہا گیا کہ وہ اپنے 7 سالہ بیٹے کی قبر کے اردگرد کی سجاوٹ کو ہٹا دے کیونکہ یہ قواعد و ضوابط کیخلاف ہے۔ تاہم، خاتون نے اس پر عمل کرنے سے انکار کردیا۔

غیر ملکی میڈیا رپورٹس کے مطابق، 29 سالہ 'شارنا اینڈریوز' کا چھوٹا بیٹا 'ینگ ہیری لی اینڈریوز' دمہ کے شدید دورے کی وجہ سے فروری 2022 میں انتقال کر گیا تھا۔ جس کے بعد شارنا نے اپنی بیٹی کے ساتھ مل کر لکڑی کی ایک باڑ کو ہاتھ سے پینٹ کرکے بیٹے کی قبر کے پاس لگا دیا۔

مگر گزشتہ ماہ شارنا کو گلوسیسٹر سٹی کونسل کی طرف سے ایک خط موصول ہوا، جس میں رنگین باڑ اور قبر کی سجاوٹ کو ہٹانے کا مطالبہ کیا گیا کیونکہ یہ قواعد و ضوابط کی کیخلاف ورزی کے زمرے میں آتا ہے۔

جس پر بچے ی ماں کا کہنا تھا کہ، میں نے اپنے بیٹے کیلیئے سٹی کونسل کے اس قانون سے لڑنے کا فیصلہ کیا ہے کیونکہ قبر کی سجاوٹ میرے 7 سالہ بیٹے کی خوش مزاجی اور چلبلی شخصیت کی نمائندگی کرتی ہے۔

اس سے قبل 11 خاندانوں کو اپنے عزیزوں کی قبروں سے سجاوٹ ہٹانے کا مطالبہ کیا گیا ہے۔