معدے کی جلن،تیزابیت،اور درد کا قدرتی اجزاء سے آسان علاج کریں

اس وقت ہر دوسرا شخص جس تکلیف میں نظر آرہا ہے وہ ہے معدے کی تیزابیت، ایسیڈٹی،جلن اور پیٹ کی تکالیف۔اس کی وجوہات کیا ہیں ،اس کی وجہ ایک تو ہمارا طرز زندگی،ہماری غذائی عادات، اس میں ڈلنے والے ملاوٹ شدہ اجزاء اور ہماری جسمانی سرگرمی نہ ہونے کے برابر شامل ہیں معدے کی تیزابیت کو عام طور پر گیسٹروایسوفیگل ریفلکس بھی کہا جاتا ہے۔ اسکی علامات عموماً خاصی تکلیف دہ ہوتی ہیں اور اکثر رات میں ہی ظاہر ہوتی ہیں۔ اسکی وجہ رات میں زیادہ کھانا،بے وقت کھانا،بہت مرغن کھانے کا زیادہ استعمال، اور کھانے کے فوراً بعد لیٹ جانا ہے۔

علامات:۔

منہ میں کڑواہٹ اور ترش ذائقہ آنا۔
کھٹی ڈکاریں،متلی اور بھاری پن۔
سینے میں بوجھ، اور پیٹ کے اوپری حصے میں بے چینی۔
سینے میں درد اور جلن۔
معدے میں درد اور یہ درد حلق تک بھی پہنچ سکتا ہے۔
حلق اور منہ میں تیزابی پانی آنا۔
کھانے کے فوراً بعد ایسا لگے کہ معدہ جل رہا ہے۔

علاج:۔

سیب کا سرکہ :۔

سیب کا سرکہ معدے کی تیزابیت میں عموماً استعمال ہونے والا نسخہ ہے۔ یہ ہاضمے میں مدد دیتا ہے اور تیزابیت میں خاصا آرام پہنچاتا ہے۔ طریقہ استعمال:

سیب کا سرکہ ایک سے دو ٹی اسپون
گرم پانی ایک کپ
ایک کپ گرم پانی میں سرکہ ڈال کر کھانے سے 20 ،30 منٹ پہلے پئیں۔ کھانا ہضم کرنے میں مدد کرے گا۔اس کو باقاعدگی سے استعمال کریں۔

چیوگم:۔

جرنل آف ڈینٹل ریسرچ نے ایک ریسرچ کی جس میں یہ پتہ چلا کہ تیزابیت،معدے کی جلن میں شوگر فری چیوگم اگر کھانے کے بعد 30 منٹ تک چبائی جائے تو اس سے سلائوا گلینڈز یعنی آپ کے تھوک کے جو غدود ہوتے ہیں وہ متحرک ہوتے ہیں اور غذا کو ہضم کرنے میں مدد کرتے ہیں۔ طریقہ استعمال:۔

شوگر فری چیوگم

کھانے کے بعد 30 منٹ تک چیوگم چبائیں ۔

لیمن جوس:۔

لیمن جوس تقریباً 2 پی ایچ پر مشتمل ہوتا ہے ۔جو کہ سرکے سے زیادہ تیز ہوتا ہے۔اس میں وٹامن سی موجود ہوتا ہے جو کہ دوسرے غذائی اجزاء کو بھی متحرک کرتا ہے۔ اس سے خوراک کو ہضم ہونے میں مدد ملتی ہے۔ طریقہ استعمال:۔

لیموں ایک عدد
پانی ایک چوتھائی کپ
ایک چوتھائی کپ پانی میں ایک لیموں کا رس نچوڑ کر پی لیں ۔ یہ خوراک کو ہضم کرنے میں مددگار ثابت ہوگا۔