نرم و ملائم اور چمکدار جلد اور خوبصورت گھنے بال۔۔۔ اب سب کچھ حاصل کریں صرف سوہانجنا تیل کے استعمال سے جانیں اس کے حیرت انگیز فوائد اور استعمالات

سوہانجنا کا تیل صدیوں سے ہربل ادویات اور دیگر بے شمار کرشماتی فوائد کے لئے استعمال کیا جا رہا ہے، یہ آئل ہمالیہ کی چوٹی پر پائے جانے والے ایک درخت کے بیج سے نکالا جاتا ہے، اس درخت کے تنے، پتوں اور جڑوں سے لے کر پھول اور بیج سب ہی میں بے شمار فوائد چھپے ہیں۔
اس لئے اسے اگر کرشماتی درخت کہا جائے تو غلط نہیں ہوگا، اس کے بیجوں سے تیل نکال کر صدیوں سے اسے علاج اور کاسمیٹک پراڈکٹس میں استعمال کیا جا رہا ہے آج ہم آپ کو اس کے فوائد اور اس کے استعمال کے بارے میں بتائیں گے تاکہ آپ بھی اس کو زیرِ استعمال لا کر فائدہ حاصل کر سکیں۔

سوہانجنا تیل کے استعمال اور فوائد

سوہانجنا آئل کو بڑی بڑی انڈسٹریز میں تیار کیا جاتا ہے کیونکہ اس کے مختلف استعمالات ہیں اس لئے اس کو الگ الگ طرح سے تیار کر کے بیچا جاتا ہے اس کے استعمال اور فوائد جاننے کے لئے آخر تک یہ تحریر ضرور پڑھیں۔
• سوہانجنا کے تیل کو کھانا پکانے میں استعمال کیا جاتا ہے، سوہانجنا میں پروٹین اور دیگر غذائی اجزاء کی وافر مقدار موجود ہوتی ہے اس لئے اسے کوکنگ آئل کے طور پر بھی استعمال کیا جاتا ہے۔
• سوہانجنا کا تیل جلد اور بالوں کے لئے انتہائی مفید ہے اس میں جلد اور بالوں کو موسچرائز کرنے کی صلاحیت موجود ہوتی ہے۔
• خوردنی سوہانجنا تیل میں اسٹرولز موجود ہوتے ہیں جو کہ کولیسٹرول کو کم کرنے میں کردار ادا کرتے ہیں۔
• سوہانجنا کے تیل میں اینٹی آکسیڈنٹس اور اینٹی ڈائیبیٹک خوصوصیات موجود ہوتی ہیں اس لئے اس کا استعمال کھانوں میں مفید ہے۔
• سوہانجنا تیل میں بہت سے بائیو ایکٹو کمپاؤنڈ پائے جاتے ہیں جن میں سے ایک اینٹی سوزش اور اینٹی انفلامٹری ہے یعنی یہ جلن، سوزش، اور الرجیز وغیرہ کے علاج کے لئے بھی مفید ہے۔
• اس کو کوکنگ آئل، بالوں میں لگانے والے تیل، چہرے پر لگانے والے تیل، صابن اور دیگر پراڈکٹس سمیت شیمپو اور کنڈشنر وغیرہ میں بھی استعمال ہوتا ہے۔

 بالوں کے لئے سوہانجنا تیل کا استعمال

بالوں کے لئے ہربل اسینس گولڈن سوہانجناآئل دستیاب ہوتا ہے جس سے بے شمار فوائد حاصل کرنے کے لئے بالوں کا مساج کیا جاتا ہے۔

 بالوں کے لئے سوہانجنا تیل بنانے کا طریقہ

دو کپ بادام کا تیل لیں، اب اس میں دس قطرے سوہانجنا تیل شامل کریں، ساتھ ہی دس قطرے ٹی ٹری یا پھر لاونڈر آئل شامل کریں اب اس تیل سے بالوں کا مساج کریں، بال لمبے گھنے کالے اور چمکدار ہو جائیں گے۔

 جِلد کے لئے سوہانجنا تیل کا استعمال

جلد کے لیے سوہانجنا تیل کا استعمال بے حد مفید ہے یہ جلد کو نرم و ملائم اور چمکدار بناتا ہے، اس کے لئے بالوں کا بنایا ہوا سوہانجنا تیل ہی چہرے پر بھی لگایا جا سکتا ہے کیونکہ وہ تمام اجزاء جو بالوں کے لئے تیل میں شامل کئے گئے وہی جلد کے لئے بھی حیرت انگیز فوائد رکھتے ہیں تو چہرے پر بھی اس ہی تیل سے مساج کریں۔

By Sadia    |    In Health and Fitness   |    0 Comments    |    1413 Views    |    29 Aug 2021

Comments/Ask Question

Read Blog about نرم و ملائم اور چمکدار جلد اور خوبصورت گھنے بال۔۔۔ اب سب کچھ حاصل کریں صرف سوہانجنا تیل کے استعمال سے جانیں اس کے حیرت انگیز فوائد اور استعمالات and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (نرم و ملائم اور چمکدار جلد اور خوبصورت گھنے بال۔۔۔ اب سب کچھ حاصل کریں صرف سوہانجنا تیل کے استعمال سے جانیں اس کے حیرت انگیز فوائد اور استعمالات ) and how to utilize other natural ingredients to cure diseases, easy recipes, and other information related to food from KFoods.