میرے بیٹے کی تلاوت سنا کریں تاکہ ۔۔ 14 سالہ حافظ قرآن لڑکا جس کے انتقال کے بعد ماں نے اس کی تلاوت سننے کی فریاد لوگوں سے کیوں کی تھی؟

حافظ بلال غازی جرمنی کا رہائشی تھا وہ ایک 14 سالہ بچہ تھا جو بہت خوبصورت تلاوتِ قرآن بھی کرتا تھا اور اس کا عزم تھا کہ وہ ایک بہترین عالم بنے گا ، لیکن غیب کا علم تو صرف اللہ سبحانہ وتعالٰی کو ہے کون جانتا تھا کہ یہ خوبصورت بچہ بہت جلد اس دنیا کو چھوڑ کر چلا جائے گا۔ اولاد کی موت والدین کی موت ہوتی ہے جوان اولاد کو کاندھا دینا والدین کے لئے سب سے مشکل اور اذیت ناک کام ہوتا ہے۔

ہر اولاد ماں باپ کو پیاری ہوتی ہے، اور ایسی اولاد جو آخرت میں بخشش کا بھی سامان بن جائے، وہ اولاد تو اور پیاری ہوجاتی ہے ۔ بلال غازی بھی جرمنی کے شہر فرینکفرٹ کا رہائشی تھا۔ ماں باپ کا لاڈلا پیارا بیٹا جو کہ حافظِ قرآن بھی تھا۔ کہیں بھی سفر پر نکلتے تو پورا راستہ وہ تلاوت کرتا ہوا جاتا تھا، اور اس کی دل کو چھو لینے والی تلاوت کو ماں ریکارڈ کرلیتی تھی۔

لیکن ایک دن کیا پتہ تھا کہ اس کی یہ تلاوت آخری تلاوت ہوگی، سفر پہ نکلنے والا پیارا بیٹا واپس نہیں آئے گا وہیں سے جنت میں چلا جائے گا۔۔۔ بلال غازی بھی ایک روڈ ایکسیڈنٹ میں وفات پا گیا۔ ماں کے لئے یہ صدمہ جان لیوا تھا، لیکن جب ہوش وحواس بحال ہوئے تو اس نے یہ عزم کیا کہ میرا بیٹا تو جنت میں چلا گیا لیکن وہ چاہتا تھا کہ اس کی تلاوتِ قرآن دنیا تک پہنچے اور وہ عالم بنے ، تو اس کی ماں نے یہ فیصلہ کیا کہ اس کی وہ ساری تلاوت جو کہ اس نے ریکارڈ کی تھی اسے دنیا کے سامنے پیش کردے تاکہ یہ تلاوتِ قرآن اس بچے کے لئے بھی صدقہ جاریہ بن جائے اور اس کی آواز رہتی دنیا تک اللہ کا پیغام پہنچاتی رہے۔ ہم آپ کے لئے بلال غازی کی مسحورکن آواز میں تلاوتِ قرآن پیش کررہے ہیں سنیے اور اس بچے کے لئے دعا کیجیے۔