پانی میں یہ چیز ملا کر پیر بھگو دیں.. بشریٰ انصاری گھر میں خود پیڈی کیور کیسے کرتی ہیں؟ دیکھیں

"مجھے اپنے پیروں کو صاف ستھرا رکھنے کا اور سجانے کا بہت شوق ہے اس لئے ہر 15 دن بعد میں خود ہی پیڈی کیور گھر میں کر لیتی ہوں"

یہ کہنا ہے پاکستان کی سینئر ترین اداکارہ بشریٰ انصاری کا جنھوں نے حال ہی میں اپنے یوٹیوب چینل پر پیڈی کیور کرنے کا طریقہ بتایا ہے.

بشریٰ انصاری کا کہنا تھا کہ پیڈی کیور کرتے ہوئے سب سے زیادہ اس بات کا خیال رکھیں کہ تولیہ اور باقی ضروری چیزیں پاس رکھی ہوں ورنہ گیلے پیر سے بار بار اٹھ کر جانا خطرناک ہوتا ہے.

سب سے پہلے انھوں نے اپنے ناخن تراشے اور فائل کیا. اس کے بعد ٹب میں شیمپو ڈال کر گرم پانی میں پیر بھگو دیے. ساتھ ساتھ انھوں نے اپنے ہاتھ کے ناخنوں کو بھی فائل کر لیا. 15 منٹ بعد ٹب سے پیر نکال کر پیروں پر اسکرب اچھی طرح مل کر پیر صاف کرلیا اور پھر موئسچرائز کرنے کے بعد اپنے پسندیدہ رنگ کی نیل پالش لگا لی.

بشریٰ انصاری نے کہا کہ پیڈی کیور کرنے سے پیر صاف اور خوبصورت ہی نہیں رہتے بلکہ اس سے ذہنی تناؤ میں بھی کمی آتی ہے. اس کے علاوہ پیڈی کیور گھر پر کر کے پارلر جا کے ہزاروں روپے اور وقت ضائع کرنے کی بچت بھی ہوسکتی ہے.