دونوں بہنیں نوکری کر کے گھر چلاتی تھیں کیونکہ پیسے نہیں تھے.. والد کی موت کیسے ہوئی؟ شعیب ملک بتاتے رو پڑے

"گھر چلانے کے پیسے نہیں تھے میں چھوٹا تھا. اس وقت میری دونوں بہنوں نے نوکریاں کر کے گھر چلایا. میں یہ کہتا ہوں کہ اگر میری بہنیں نہ ہوتیں تو آج میں کامیاب کرکٹر نہ ہوتا. جو بھی ہوں ان کی وجہ سے ہوں"

یہ کہنا ہے پاکستان کرکٹ ٹیم کے سابق کپتان شعیب ملک کا جنھوں نے فخر عالم کے شو میں شرکت کے دوران بتایا کہ کس طرح ان کی بہنوں نے ان کی کامیابی میں بڑا کردار ادا کیا۔ ان کا کہنا تھا کہ ان کے والد چاہتے تھے کہ وہ ایک سپورٹس مین بنیں جبکہ ان کی بہنیں چاہتی ہیں کہ وہ اپنی پڑھائی پر توجہ دیں۔ لیکن بہنوں نے ہی انھیں سپورٹ بھی کیا. شعیب ملک نے بتایا کہ وہ کھیل کا سامان اسکول کے بیگ میں چھپا کر لے جایا کرتے تھے اور ان کے والد اسکول والوں سے کہتے تھے آج شعیب کو دیر ہوجائے گی.

والد کی موت کے حوالے سے بات کرتے ہوئے شعیب ملک روپڑے اور انھوں نے بتایا کہ ان کے والد ان کے کرکٹ کے لیے بہت پرجوش تھے۔ جب بھارت کی ٹیم پاکستان آئی تو والد بہت بیمار تھے اور وہ فیصل آباد میں ٹیسٹ میچ کھیل رہے تھے۔ اسی وقت اسے اپنی بہنوں کا فون آیا۔ جب وہ گھر پہنچے تو ان کے والد نے مسکرانے کی کوشش کی اور انھیں واپس جا کر میچ کھیلنے کو کہا کیونکہ وہ نہیں چاہتے تھے کہ ان کا بیٹا اس ٹیسٹ سے محروم ہو. اس طرح ان کا اپنے بیٹے اور کھیل سے لگاؤ اور محبت تھی۔ تب شعیب نے ان کو کہا کہ آپ میرے لئے زیادہ اہم ہیں لیکن وہ والد کی عیادت کے بعد واپس آئے تو انھیں دوبارہ گھر بھیج دیا گیا جہاں پہنچ کر انھیں والد کی موت کی اطلاع ملی.