میں نے خود محنت کی ہے ۔۔ جانیے اس وقت کے بارے میں جب عامر لیاقت کی بیوی ہوتے ہوئے بھی طوبیٰ انور نوکری پر جاتی تھیں، دیکھیں

عامر لیاقت کے نام سے کون واقف نہیں اب تو وہ اس دنیا میں نہیں مگر ان کی دوسری اور سابقہ بیوی طوبیٰ انور نے خود پر ہونے والی تنقید کا جواب دیا ہے۔

ان کا کہنا ہے کہ عامر لیاقت سے شادی ہونے سے پہلے ہی وہ شوبز انڈسٹری میں پروڈیوسر کے طور پر کام کر رہی تھیں، یہ تاثر غلط ہے کہ عامر نے ٹی وی پر آنے میں مدد کی ۔ تاہم شادی کے 2 سال بعد انہوں نے سوچاکہ کچھ نیا کیا جائے۔

18 سال کی عمر سے شوبز میں کام کرنے والی اداکارہ طوبیٰ نے کہا کہ شادی کے بعد وہ اپنے میڈیا ہاؤس بھی جاتی تھیں اور ساتھ میں ہی شادی شدہ زندگی بھی چل رہی تھی یہی نہیں اسی دوران میں نے آڈیشن بھی دیا تھا۔ سابقہ شوہر کے انتقال کے بعد ہونے والی تنقید کے بارے میں ان کا کہنا تھا کہ ہم اپنی زندگی میں شاید بہت سارے لوگوں کو پسند نہیں کرتے۔

لیکن اگر آپ اپنے نا پسندیدہ شخص کیلئے سوشل میڈیا پر کچھ منفی لکھتے ہیں تو اس کا مطلب کہ آپ خود ہی بہت منفی شخصیت کے مالک ہیں اور آپ بغض سے کتنا بھرے ہوئے ہیں۔ اس کے علاوہ بی بی سی کو دیے گئے انٹرویو میں انکا کہنا تھا کہ پہلے خود پر ہونے والی تنقید سے بہت تکلیف ہوتی تھی کیونکہ ہم بھی انسان ہیں، ہمیں بھی تکلیف ہوتی ہے۔

لیکن وقت کے ساتھ ساتھ میں نے اپنے آپ کو اس معاملے میں بہت مضبوط کر لیا۔ اداکارہ طوبیٰ نےذاتی زندگی سے متعلق کہا کہ ہر معاملے، ہر مسئلے پر خاموشی اختیار کیے رکھتی ہوں۔

میں نے آج تک تحمل سے کام لیا ہے کیونکہ تنقید اور نفرت ایک آگ ہے جس میں آپ مواد ڈالتے رہیں گے تو وہ بھڑکتی رہے گی، کبھی ختم نہیں ہوگی اور میں نہیں چاہتی کہ اپنے ذاتی معاملات کو سرکس بناؤں۔