کیا آپ بھی پپیتے کے بیج پھینک دیتے ہیں ؟جانیے پپیتے کے بیجوں کے ایسے فوائد کہ آپ آئندہ سے یہ بیج پھینکیں گے نہیں

پپیتے کے پھل سے کون واقف نہیں لیکن پپیتے کے ساتھ پپیتے کے بیج آپکی صحت کے لئے کس قدر مفید ہیں اس بات سے یقیناًسب لوگ واقف نہیں ہونگے۔ پپیتے کے بیجوں میں اہم غذائی اجزاء موجود ہوتے ہیں جو مختلف بیماریوں میں تحفظ فراہم کرتے ہیں۔ دن میں صرف ایک بار آپ ان بیجوں کے استعمال سے اپنی صحت کو بھرپور بنا سکتے ہیں۔ ذیل میں پپیتے کے بیجوں کے چند فوائد بیان ہیں جو آپکے لئے مفید ثابت ہونگے۔

گردوں کے افعال کو بہتر بنانے میں انتہائی مفید:۔

پپیتے کے بیج گردے کی صحت کی بہتری اور گردوں کو بیماریوں سے بچانے کیلئے مفید سمجھے جاتے ہیں یہ گردوں کی بیماریوں کے علاج کیلئے مفید ہیں۔

جگر کی بیماریوں میں مفید ہے:۔

پپیتے کے بیجوں میں موجود اہم غذائی اجزاء جگر کے لئے انتہائی فائدہ مند ہیں چند پپیتے کے بیج پیس کر جوس وغیرہ کے ساتھ کھانے سے آپ کا جگر صحت مند رہتاہے۔ ایک ماہ تک باقاعدگی سے استعمال کرنے سے آپکا جگر ڈیٹاکسی فائی ہوتاہے اور جگر کی تمام بیماریوں سے بچاتاہے۔ روزانہ پانچ پپیتے کے بیج لیموں کے رس کے ساتھ دن میں دو مرتبہ جگر کے لئے زیادہ بہتر ہیں۔

نظام انہضام کے لئے بہترین:۔

پپیتا اور پپیتے کے بیج عمل انہضام کے لئے بے حد مفید ہیں یہ پیپین سے بھرے ہیں اسکے علاوہ یہ میٹابولزم کوتیز کرتاہے اور آنتوں کے فعل کو درست کرتا ہے۔

جوڑوں کے درد اور سوجن کو دور کرنے کی خصوصیات:۔

پپیتے کے بیجوں میں قدرتی طور پر دافع سوزش خصوصیات موجود ہوتی ہیں جو جوڑوں کے درد اور سوجن کو دور کرتی ہیں۔

اینٹی بیکٹیریل اور اینٹی وائرل خصوصیات:۔

پپیتے کے بیجوں کی بس تھوڑی سی مقدار نقصا ن دہ بیکٹیریا کے خاتمے کے لئے کافی ہے اسکے علاوہ یہ وائرل انفیکشن کے علاج میں موثر ہے ڈینگی ،ٹائیفائیڈ او ردیگر بیماریوں کے علاج کیلئے مفید ہیں پپیتے کے پتوں کا رس بھی اسکے علاج میں استعمال ہوتا ہے۔ دو پپیتے کے پتے اچھی طرح دھو کرپیس کر ململ کے کپڑے سے چھان لیں دو پپیتے کے پتوں میں سے دو چمچ رس آسانی سے نکل جائے گا ایک دن کے لئے دو چمچ جوس کافی ہے۔

کینسر سے بچاؤ:۔

پپیتے کے غذائی اجزاء کینسر کے خلیات اور ٹیومر کی افزائش کو روکتے ہیں یہ آئیسوتھائیوسائینیٹ سے بھرپور ہوتے ہیں جو لیوکیمیا،بڑی آنت، پھیپھڑوں،چھاتی اور پروسٹیٹ کینسر کی روک تھام کرسکتے ہیں۔

پپیتے کے بیج کھانے کاطریقہ:۔

آدھا سے ایک چائے کا چمچ پپیتے کے کچے بیج کوٹ کر، یاپیس کر سلاد کی ڈریسنگ میں، دودھ یا شہد کے ساتھ بھی ملاکر کھاسکتے ہیں۔

احیتاطی تدابیر

حاملہ اور دودھ پلانے والی خواتین پپیتایا اسکے بیج استعمال نہ کریں اسکے علاوہ پپیتے کے بیجوں میں طاقتور اینٹی پیراسیٹک اثرات ہوتے ہیں اسی لئے بچوں کو دینے سے پہلے ڈاکٹر سے مشورہ ضر و ر کریں۔

By Afshan  |   In Health and Fitness  |   0 Comments   |   3293 Views   |   07 Feb 2022
About the Author:

Afshan is a content writer with expertise in publishing news articles with strong academic background. Afshan is dedicated content writer for news and featured content especially food recipes, daily life tips & tricks related topics and currently employed as content writer at kfoods.com.

Related Articles
Top Trending
COMMENTS | ASK QUESTION (Last Updated: 05 October 2023)

کیا آپ بھی پپیتے کے بیج پھینک دیتے ہیں ؟جانیے پپیتے کے بیجوں کے ایسے فوائد کہ آپ آئندہ سے یہ بیج پھینکیں گے نہیں

کیا آپ بھی پپیتے کے بیج پھینک دیتے ہیں ؟جانیے پپیتے کے بیجوں کے ایسے فوائد کہ آپ آئندہ سے یہ بیج پھینکیں گے نہیں ہر کسی کے لیے جاننا ضروری ہیں کیونکہ یہ ایک اہم معلومات ہے۔ کیا آپ بھی پپیتے کے بیج پھینک دیتے ہیں ؟جانیے پپیتے کے بیجوں کے ایسے فوائد کہ آپ آئندہ سے یہ بیج پھینکیں گے نہیں سے متعلق تفصیلی معلومات آپ کو اس آرٹیکل میں بآسانی مل جائے گی۔ ہمارے پیج پر کھانوں، مصالحوں، ادویات، بیماریوں، فیشن، سیلیبریٹیز، ٹپس اینڈ ٹرکس، ہربلسٹ اور مشہور شیف کی بتائی ہوئی ہر قسم کی ٹپ دستیاب ہے۔ مزید لائف ٹپس، صحت، قدرتی اجزاء اور ماڈرن ریمیڈی کے فوڈز میں موجود ہے۔