روز کھانے میں مٹر دیکھ کر منہ مت بنائیں، بلکہ خوشی سے کھائیں! جانیں مٹر کھانے سے جسم کو کیا کیا فائدے ملتے ہیں؟

آج کل ہمارے گھروں میں ہر دوسرے کھانے میں مٹر نظر آتے ہیں، جسے دیکھ بچے اور بڑے سب پریشان ہوگئے ہیں۔ لیکن ہماری مائیں ہیں جو مٹر کی ڈشز بنانے سے باز ہی نہیں آ رہی ہیں، اور آئیں بھی کیوں یہ چھوٹے چھوٹے ہرے دانے ہیں ہی اتنے فائدہ مند۔ اسلیئے آپ بھی منہ بنانے کے بجائے ان کے فائدے جانیں اور شوق سے کھانا شروع کر دیں۔

مٹر ایک غذائیت سے بھرپور سبزی ہے جو صحت کے لیے کئی فوائد رکھتی ہے۔ اس میں وٹامنز، معدنیات اور فائبر کی مناسب مقدار ہوتی ہے، جو دل کی صحت سے لے کے خون کی کمی کو دور کرنے تک میں مدد دیتے ہیں۔ مٹر کو اپنی روزمرہ کی غذا میں شامل کر کے صحت کو بہتر بنایا جا سکتا ہے۔

مٹر کے پانچ فوائد:

مٹر میں فائبر، پوٹاشیم اور اینٹی آکسیڈنٹس ہوتے ہیں جو دل کی صحت کو بہتر بناتے ہیں اور خون کی روانی کو بہتر کرتے ہیں۔

مٹر میں کم کیلوریز اور زیادہ فائبر ہوتا ہے، جو آپ کو لمبے عرصے تک بھرپور رکھتا ہے اور وزن کم کرنے میں مددگار ثابت ہوتا ہے۔

مٹر میں فائبر کی مقدار زیادہ ہوتی ہے جو آنتوں کی حرکت کو بہتر بناتی ہے اور قبض کو دور کرنے میں مدد دیتی ہے۔

مٹر وٹامن سی، زنک اور دیگر ضروری اجزاء سے بھرپور ہوتا ہے جو جسم کے مدافعتی نظام کو مضبوط کرتا ہے اور بیماریوں سے بچاتا ہے۔

مٹر میں آئرن کی مناسب مقدار ہوتی ہے جو خون کی کمی کو دور کرنے میں مدد کرتی ہے اور جسم میں توانائی کی سطح کو بہتر بناتی ہے۔