22 سال تک میک اپ صاف نہیں کیا۔۔ منہ نہ دھونے والی خاتون کے چہرے کا کیا حال ہوا؟ لرزہ خیز کہانی

Woman Not Removing Makeup For 22 Years

شمال مشرقی چین کی ایک 37 سالہ خاتون نے سوشل میڈیا پر ایسا انکشاف کیا کہ ہر دیکھنے والا حیرت میں پڑ گیا۔ صوبہ جیلن سے تعلق رکھنے والی اس خاتون کا کہنا ہے کہ اس نے 15 سال کی عمر سے میک اپ کرنا شروع کیا، اور پھر اگلے 22 سال تک چہرے سے میک اپ کو کبھی صاف نہیں کیا۔

حال ہی میں سامنے آنے والی تصاویر اور ویڈیوز میں اس کا چہرہ نہ صرف شدید سوجن کا شکار نظر آیا بلکہ جِلد مکمل طور پر سرخ اور خارش زدہ دکھائی دی۔ اپنی بگڑتی حالت پر اس نے "ہارمون فیس" کی اصطلاح استعمال کی، جو اس کے بقول ایک ایسا مرحلہ تھا جب چہرہ مستقل ورم، خارش اور جلن کا شکار ہوگیا۔

2011 میں اس نے خوبصورتی بڑھانے کے لیے چہرے پر مختلف انجیکشنز لگوائے، جنہوں نے حالات مزید خراب کر دیے۔

وہ بتاتی ہے، مجھے 25 سال کی عمر تک اندازہ نہیں ہوا کہ جلد کے مسائل اتنے سنگین ہو سکتے ہیں۔ پہلے تو سمجھتی تھی کہ سرخی معمولی چیز ہے، لیکن پھر سب کچھ بگڑ گیا۔

اپنے تجربے سے سبق سیکھتے ہوئے خاتون نے دوسروں کو خبردار کیا ہے کہ بغیر تحقیق کے کوئی بھی بیوٹی پروڈکٹ استعمال نہ کریں، اور چہرے کی صفائی کو کبھی نظرانداز نہ کریں۔

یہ کہانی ایک کڑوا سبق ہے—خوبصورتی کی دوڑ میں اگر احتیاط نہ کی جائے، تو نقصان ناقابلِ تلافی ہو سکتا ہے۔