قبر بھی ٹھنڈی اور آنے والے بھی گرمی سے محفوظ ۔۔ مشہور گورنر کی قبر، جو محل جیسی ہے، دیکھیے

عام طور پر قبریں کچی اور سادی ہوتی ہیں، لیکن اگر نمود و نمائش ہو جائے تو سب کی توجہ حاصل کر لیتی ہیں۔ ایک ایسے ہی گورنر کی قبر سے سب کی توجہ حاصل کر لی، جن کی قبر اب محل جیسی لگ رہی ہے۔

افریقی ملک نائجیریا کے ساؤتھ ویسٹ میں موجود ریاست اویو نے اس وقت سب کی توجہ حاصل کی جب ریاست کے گورنر کو خراج تحسین پیش کرنے کے لیے انہی کی قبر پر اے سی سمیت کئی سہولیات میسر کر دیں۔

سابق گورنر ابی اولا اجیموبی کو انہی کی رہائش گاہ میں دفن کیا گیا تھا، ویڈیو میں دیکھا جا سکتا ہے کہ سفید ٹائلز سے بنے کمرے میں ایک قبر موجود ہے۔ قبر کا ڈٰیزائن بھی کسی عالیشان مقبرے سے کم نہیں ہے، جبکہ اس پر لگائے گئے ٹائلز قبر کو مزید چار چاند لگا رہے ہیں۔

گورنر کی قبر کے کمرے میں اے سی بھی رکھا گیا ہے، رک جائیے جناب یہ اے سی قبر کے اندر موجود گورنر کے لیے نہیں لگایا گیا بلکہ یہاں آنے والے لوگوں کے لیے لگایا گیا تاکہ لوگ فاتحہ خوانی بھی کر سکیں اور اے سی سے لُطف اندوز بھی ہو سکیں۔

ساتھ ہی اسی قبر کے پاس نرم و ملائم صوفے بھی موجود ہیں جہاں آ کر قبر پر فاتحہ خوانی کرنے والے بیٹھ بھی سکتے ہیں، جبکہ بہترن لائٹس کا انتظام بھی اس کمرے کو ایک الگ طرح پیش کرتا ہے۔