چربی بھی نہیں چڑھتی اور بڑھاپا بھی دیر سے آتا ہے۔۔ مشہور اداکارائیں ہمیشہ جوان اور اسمارٹ نظر آنے کے لئے نہار منہ کون سا خاص پانی پیتی ہیں؟

عام طور پر لوگ مشہور اداکاراؤں کی خوبصورت کو سرجری اور میک اپ کی رہون منت قرار دیتے ہیں جو مکمل جھوٹ نہیں تو سچ بھی نہیں ہے۔ دراصل ہر وقت اور بنا میک اپ کے خوبصورت نظر آنے کے لئے اداکارائیں مختلف تجربے کرتی ہیں جن میں ایک خاص پانی پینے کی عادت بھی ہے۔ اس پانی کو ڈیٹوکس واٹر کہتے ہیں۔ اس آرٹیکل میں ہم آپ کو ڈیٹوکس واٹر کے فائدے اور مشہور اداکاراؤں کے ڈیٹوکس واٹر بنانے کی ترکیب بتائیں گے۔

ڈیٹوکس واٹر کو انفیوزڈ واٹر بھی کہا جاتا ہے یہ ایک ایسا مشروب ہے جو پھلوں، سبزیوں اور جڑی بوٹیوں کو پانی میں ملا کر بنایا جاتا ہے، جس سے ذائقے اور غذائی اجزاء آپس میں گھل مل جاتے ہیں۔ یہ پانی حسن اور صحت کے لئے فائدے مند ہے۔ اس سے ملنے والے فائدوں میں بشمول ہائیڈریشن میں مدد، ضرورت سے زیادہ کیلوریز کی مقدار کو روک کر وزن میں کم کرنا، اس کے فائبر اور انزائم مواد کی وجہ سے ہاضمے تیز ہونا اور اضافی اجزاء کی وجہ سے جسم کو وٹامنز، معدنیات اور اینٹی آکسیڈنٹس فراہم کرنا۔

واضح رہے کہ ڈیٹوکس واٹر نہار منہ پینے کے علاوہ مختلف اوقات میں بھی پیا جاسکتا ہے۔ یہ بنانے کے بعد 12 گھنٹوں تک قابل استعمال رہتا ہے لیکن بہت زیادہ ڈیٹوکس واٹر جسم میں تیزابیت کی وجہ بھی بن سکتا ہے۔ اس لئے اس کا استعمال اعتدال میں رہتے ہوئے کریں۔

جیکویلین فرنینڈس

سری لنکن نژاد معروف بھارتی اداکارہ جیکویلین نہار منہ گندم کی گھاس کا بنا ہوا جوس پیتی ہیں۔ اس سے ان کا خون صاف اور چہرہ چمکدار رہتا ہے۔

عالیہ بھٹ

عالیہ اپنے دن کا آغاز نیم گرم پانی میں لیموں کا رس اور شہد ملا کر پینے سے کرتی ہیں۔ خوبصورتی قائم رکھنے کے لئے عالیہ بھٹ کیفین کا استعمال نہیں کرتیں اور دن میں پھلوں کا جوس کئی بار پیتی ہیں۔

شلپا شیٹھی

اپنی کتاب “دی گریٹ انڈین ڈائیٹ“ میں بھارت کی نامور اداکارہ اور فٹنیس کوئین میں یہ بات لکھتی ہیں کہ وہ دن کا آغاز گرین ٹی میں شہد ملا کر پینے سے کرتی ہیں۔

انوشکا شرما

انوشکا اپنے پانی میں لیموں کا رس اور چٹکی بھر بیکنگ سوڈا ملاتی ہیں اور تھوڑی دیر بعد ہلدی بھی کھاتی ہیں۔

دیپیکا

دیپیکا کا کہنا ہے کہ وہ صحت مند اور خوبصورت جلد کے لئے موسمی تازہ پھلوں کے جوس کا استعمال کرتی ہیں اور گرمیوں میں ستو ضرور پیتی ہیں۔