ماں باپ کو معلوم ہی نہیں ہوتا کہ بچی کہاں ہے.. حنا خواجہ بات چھوٹے بچوں کے ساتھ زیادتی پر پھٹ پڑیں

"میں خود ایسا کیس دیکھ چکی ہوں جہاں چھوٹی بچی پر ظلم ہوتا رہا. وہ اتنی چھوٹی تھی کہ بتا بھی نہیں سکتی تھی. ملازمہ اور گارڈ اس بچی کو ڈیڑھ گھنٹے تک بچی پر ہونے والے ظلم کے ذمہ دار تھے مگر والدین کو نہیں معلوم ہوتا تھا کہ ان کی بیٹی کہاں ہے"

یہ تلخ حقیقت بیان کرتے الفاظ سینئر اداکارہ حنا بیات خان نے مدیحہ نقوی کے مارننگ شو میں ادا کیے. حنا نے بچوں کے ساتھ ہونے والے افسوس ناک واقعات پر بات کرتے ہوئے کہا کہ والدین کو ہوش نہیں ہوتا کہ بچہ ڈرائیور کی گود میں بیٹھا ہے جو کہ سراسر غلط ہے.

حنا نے کہا کہ اگرچہ وہ مذہب کے حوالے سے زیادہ بات نہیں کرتیں مگر اسلام ہماری طرز زندگی ہے اور اس میں لوگوں سے فاصلہ رکھنا سکھایا گیا ہے. والدین بچوں کع ملازموں کے ساتھ پارک یا کہیں بھیج دیتے ہیں یہ لاپرواہی ہے جس کا نتیجہ بچہ بھگتا ہے.

انھوں نے مزید کہا کہ گھر کے ملازموں اور ڈرائیور سے احتیاط کریں اور فاصلہ رکھیں. ان کے ساتھ گاڑی میں گانے نہ سنیں اور خیال رکھیں کہ وہ کوئی غلط بات نہ کردیں. آپ کا بچہ کب کہاں گیا اور کس کے ساتھ تھا اس کا خیال رکھنا آپ کی اولین ترجیح ہونی چاہیے.