موٹی کیوں لکھا۔۔ شوہر کے موبائل میں اپنا نمبر دیکھ کر بیوی آگ بگولہ! شوہر کو کیا بھاری قیمت چکانی پڑی؟

Man Faces Legal Trouble for Saving Wife Contact As Chubby

ترکیہ کے شہر اوسک میں ایک دلچسپ مگر سبق آموز واقعہ پیش آیا۔ ایک شوہر نے اپنی بیوی کا نمبر موبائل میں “موٹی” کے نام سے محفوظ کر رکھا تھا — شاید مذاق سمجھ کر، مگر انجام کچھ ایسا ہوا جس کی توقع خود اُسے بھی نہ تھی۔

جب بیوی کو اس محبت بھرے لقب کا علم ہوا تو غصے سے آگ بگولا ہو گئی اور سیدھا عدالت کا رخ کر لیا۔

عدالت نے معاملہ سن کر صاف کہا کہ یہ محض مذاق نہیں، بلکہ جذباتی تشدد کے زمرے میں آتا ہے۔ نتیجتاً، شوہر کو اپنی بیوی کو ہرجانہ ادا کرنے کا حکم دے دیا گیا۔

شوہر نے ہار نہ مانی اور اعلیٰ عدالت جا پہنچا، مگر وہاں بھی قسمت نے اس کا ساتھ نہ دیا۔ جج نے دوٹوک الفاظ میں کہا،

"ازدواجی رشتہ عزت، وقار اور احترام پر قائم ہوتا ہے، کسی کو اس کی جسامت یا شکل سے تضحیک کا نشانہ بنانا ناقابلِ قبول ہے۔"

آخر میں عدالت نے شوہر کو تنبیہ کرتے ہوئے کہا کہ، الفاظ محبت دکھانے کے لیے ہوتے ہیں، زخم دینے کے لیے نہیں۔

یہ واقعہ سوشل میڈیا پر وائرل ہو گیا ــــ اور سب کہنے لگے، بھائی، اب سے بیوی کا نمبر رانی کے نام سے رکھنا پڑے گا۔