رونے کی اصل ماہر تو حرا مانی ہیں! پورے سین کی جان نکال دی۔۔ ماہرہ خان کی اداکاری پر اتنی تنقید کیوں؟

Mahira Khan Receives Criticism For Her Acting In Neelofar

ماہرہ خان، ان دنوں اپنی رومانوی فلم نیلوفر کے باعث سرخیوں میں ہیں۔ لیکن اسی دوران سینما میں بیٹھے ایک فین نے فلم کا ایک جذباتی منظر ریکارڈ کرکے لیک کر دیا، اور یہ ویڈیو آتے ہی ایک نئی آگ بھڑک اٹھی۔ سین میں ماہرہ کبھی ٹوٹتی ہوئی دکھائی دیتی ہیں، کبھی خود سے لڑتی ہوئی—مگر عوام کے مطابق وہ شدت اور گہرائی نظر نہ آئی جو اس لمحے کو ناقابلِ فراموش بنا سکتی تھی۔

ویڈیو وائرل ہوتے ہی تنقید کی باقاعدہ برسات شروع ہوگئی۔ کچھ سخت جملے یوں سامنے آئے؛

"یہ کیسا بے جان تاثر تھا؟ پورے سین کی جان نکال دی۔ حیرت ہے کہ آج تک کس پرفارمنس نے انہیں اسے اتنا بڑا اسٹار بنایا؟"

"یہ رول تو حُمایمہ ملک کو جچتا تھا، اس میں جان وہی ڈال سکتی تھیں۔"

"اور لوگ آج بھی ماہرہ کو صبا قمر کے برابر رکھتے ہیں؟ ہضم نہیں ہوتا۔"

"رونے کی اصل ماہر تو ہِرا مانی ہے، ماہرہ تو بس کوشش کرتی نظر آئیں۔"

کئی صارفین نے لکھا کہ اداکاری بھرپور نہیں تھی، چہرے کے تاثرات مضبوط نہیں تھے، اور جذبات کی کمی نے پورے سین کا اثر ماند کر دیا۔

کچھ نے تو اسے ماہرہ کے لیے ضائع ہوجانے والا سنہری موقع قرار دے دیا جس سے وہ اپنی صلاحیت مزید ثابت کر سکتی تھیں۔

یہ پورا معاملہ فلم نیلوفر کے گرد ایک نیا زاویہ لا کھڑا ہوا ہے۔ فلم اس وقت سینما گھروں میں چل رہی ہے، اب دیکھنا یہ ہے کہ عوام اس ایک منظر سے آگے بڑھ کر ماہرہ کے کردار کو کیسے دیکھتے ہیں—یا پھر یہ تنقیدی بحث فلم کی مجموعی ساکھ پر اثر ڈالتی ہے۔