میرا صحت مند بھائی اب ہڈیوں کا ڈھانچہ بن گیا ہے۔۔ روسی قید میں جانے والے بدنصیب یوکرینی فوجی! بہن کے انکشافات

“میرے بھائی کے ہاتھ میں ایک ہڈی موجود نہیں ہے کیوں کہ ان پر بہت ظالمانہ انداز میں تشدد کیا گیا ہے۔ میرا صحت مند بھائی اب ہڈیوں کا ڈھانچہ بن گیا ہے۔ ڈاکٹر ان کا آپریشن نہیں کر رہے کیوں کہ اس کا وزن بہت کم ہے۔ آپریشن کیا گیا تو ان کی جان بھی جاسکتی ہے“

یہ کہنا ہے روس اور یوکرین کی جنگ میں قید ہونے والے بدنصیب یوکرینی فوجی مائیخیلو ڈیانو کی بہن کا جو اپنے بیمار بھائی کے لئے بہت دکھی ہیں۔ مائیخیلو ڈیانو یوکرین کے ان 205 فوجیوں میں شامل ہیں جنھیں دوران جنگ پکڑا گیا اور بہت زیادہ تشدد کا نشانہ بنانے کے بعد رہا کردیا گیا۔ سوشل میڈیا پر ان کی تصاویر تیزی سے وائرل ہورہی ہیں جس میں دیکھا جاسکتا ہے کہ پہلے کے مقابلے میں ان کی اب کیا حالت ہوگئی ہے۔

غیر ملکی میڈیا کا کہنا ہے کہ اس وقت مائیخیلو اسپتال میں َزیر علاج ہیں اور ان کی حالت ٹھیک نہیں ہے۔ روسی افواج نے انھیں یوکرین کے شہر ماریوپول سے پکڑا تھا۔

واضح رہے کہ روس جارحیت کے نشے میں چور ہو کر اپنے قیدیوں کے ساتھ انتہائی برا سلوک کرتا ہے۔ مائی خیلیو کی بدتر حالت بھی اسی تشدد کا نمونہ ہے۔

By Khush Bakht    |    In News   |    0 Comments    |    329 Views    |    30 Sep 2022

Related Articles

Comments/Ask Question

Read Blog about میرا صحت مند بھائی اب ہڈیوں کا ڈھانچہ بن گیا ہے۔۔ روسی قید میں جانے والے بدنصیب یوکرینی فوجی! بہن کے انکشافات and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (میرا صحت مند بھائی اب ہڈیوں کا ڈھانچہ بن گیا ہے۔۔ روسی قید میں جانے والے بدنصیب یوکرینی فوجی! بہن کے انکشافات) and how to utilize other natural ingredients to cure diseases, easy recipes, and other information related to food from KFoods.