لیموں کا چھلکا کھانے کے 6 فائدے ۔۔ اس قیمتی نسخے سے آپ بھی فائدہ اٹھا سکتے ہیں

لیموں کا استعمال ہر گھر میں ہر موسم اور ہروقت ہی کیا جاتا ہے، کچھ لوگ اس کو صبح پانی میں دال کر پینا پسند کرتے ہیں، کچھ سکنجبین بنا نے استعمال کرتے ہیں کچھ کھانوں میں اس کو ڈالنا پسند کرتے ہیں۔ لیکن کیا آپ اس کے چھلکے کو کھاتے ہیں؟ کیوں چونک گئے نا ۔۔۔! جی ہاں لیموں کے چھلکے کھانا آپ کو کتنے فائدے پہنچا سکتا ہے یہ آپ نہیں جانتے ہوں گے، یہاں ہم آپ کو لیموں کے چھلکے کھانے کے ایسے 5 فائدے بتائیں گے جو آپ کو بھی حیران کردیں گے۔ میڈیکل سائنس کی تحقیق یہ بتاتی ہے کہ اس کا چھلکا آپ کی صحت کے لئے بہت مفید ہے۔

غذائیت کا خزانہ:

کیا آپ جانتے ہیں کہ لیموں کا چھلکا وٹامن سی سے بھرپور ہے اگر اس کے چھلکے کا صرف 6 گرام بھی آپ روزانہ لیں تو یہ وٹامن سی کی آپ کے جسم کومطلوبہ مقدار کا 9 فیصد حاصل ہو جاتا ہے۔ اس کے ساتھ اس میں فائبر، کیلشئیم، پوٹاشئیم اور میگنیشئیم بھی موجود ہے۔ جو آپ کی صحت کے لئے مفید ہیں۔

منہ کی بیماریوں میں مفید :

ہماری لاپرواہیوں کی وجہ سے ہمارے دانت خراب ہو جاتے ہیں یا منہ کی صحیح طور پر صفائی نہ ہونے کی وجہ سے منہ میں بدبو یا مسوڑھوں کی تکلیف یا دونتوں میں کیڑا وغیرہ لگ جاتا ہے۔ اگر اس کے چھلکے سے دانتوں کی اور مسوڑھوں کی صفائی کیا جائے تواسکی اینٹی بیکٹیریل خصوصیات ان تکالیف کا خاتمہ کرنے میں مدد کر سکتی ہیں۔

ذیابیطس میں مفید:

لیموں کے چھلکے میں موجود اینٹی آکسیڈنٹ ڈی لائموننی اور وٹامن سی ہمارے جسم کے سیلز کو خرابی سے بچاتے ہیں اور اس کے ساتھ ساتھ دل کے لئے بھی مفید اور ذیابیطس میں بھی مفید ہیں۔

فنگس کا خاتمہ:

لیموں میں جہاں بہت خصوصیات ہیں وہیں اس کا چھلکا بھی اس سے کم نہیں اس میں بھی اینٹی فنگل اور اینٹی مائکروبیل خصوصیات موجود ہیں جس کی وجہ سے یہ جہاں اور کمال کرتا ہے وہیں جلد کی فنگس کا خاتمہ کرتا ہے۔

قوتِ مدافعت میں اضافہ کرتا ہے:

لیموں کا چھلکا جہاں اور بہت سی خصوصیات اپنے اندر رکھے ہوئے ہے وہیں اس کی ایک خوبی یہ ہے کہ یہ ہماری قوتِ مدافعت کو بڑھا کر ہمیں بیماریوں سے بچاتا ہے۔ اس میں موجود اینٹی آکسیڈنٹس جن میں فلیوونائیڈز بھی شامل ہے ہمارے اندر موجود امیون سسٹم کو مضبوط کرتا ہے ، جس سے ہم کم بیمار ہوتے ہیں۔

پتے کی پتھری کو ختم کرنے میں مفید:

لیموں کے چھلکے میں موجودلایموننی آپ کے جسم میں موجود پتھری خاص کر پتے میں اگر پتھری موجود ہے تو اس کا خاتمہ کرنے میں مفید ہے۔ پتے کی پتھری میں مبتلا افراد اس قدرتی اینٹی آکسیڈنٹ سے فائدہ اٹھا کر اپنی پتھری ختم کرسکتے ہیں۔

By Afshan    |    In Health and Fitness   |    0 Comments    |    1169 Views    |    29 Jul 2022

Related Articles

Comments/Ask Question

Read Blog about لیموں کا چھلکا کھانے کے 6 فائدے ۔۔ اس قیمتی نسخے سے آپ بھی فائدہ اٹھا سکتے ہیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (لیموں کا چھلکا کھانے کے 6 فائدے ۔۔ اس قیمتی نسخے سے آپ بھی فائدہ اٹھا سکتے ہیں) and how to utilize other natural ingredients to cure diseases, easy recipes, and other information related to food from KFoods.