کیلے کے چھلکے میں یہ چیز ملا کر لگاتی ہوں.. لیلیٰ زبیری نے اپنے سدا بہار حسن کا کیا راز بتایا؟

لیلیٰ زبیری کنجی آنکھوں اور گوری گلابی رنگت کی وجہ سے الگ ہی پہچان رکھتی ہیں..ندا یاسر کے مارننگ شو میں شرکت کرتے ہوئے لیلیٰ نے اپنےسدا بہار حسن کے کچھ ایسے راز بتائے جن کی وجہ سے وہ اس عمر میں بھی خوبصورت نظر آتی ہیں.

لیلیٰ کا کہنا تھا کہ میک اپ اتارنے کے لئے وہ زیتون کے تیل کا استعمال کرتی ہیں اس کے بعد چہرہ دھو کر عرق گلاب اور کوئی بھی عام سی کریم لگا کر موائسچرائز کرتی ہیں.

ان کا کہنا تھا کہ السی کے بیجوں کو ابال کر ان کا گودا چھان لیں اور اسے فریج میں رکھ لیں. تھوڑا سا گودا نکالیں اس میں وٹامن ای کا کیپسول ملا کر چہرے پر ماسک کی طرح لگائیں اس سے کئی ہزار والے فیشل کی چمک آجائے گی. السی کے گودے میں کوئی تیل ملا کر بہترین ہئیر ماسک بنایا جاسکتا ہے.

ایک ماسک لیلیٰ زبیری نے یہ بتایا کہ کیلے کے چھلکے کو ٹکڑوں میں کاٹ لیں اور ایک چمچ کچے چاول لے کر دونوں چیزوں کو ساتھ ابال کر دس منٹ پکائیں جب دونوں نرم ہوجائیں تو چھان کر چہرے اور گردن پر لگا لیں. یہ اسکن ٹائٹ کرے گا چہرے کو چمک دے گا اور رنگت نکھارے گا.