سوچا تھا اپنے سہارا بنیں گے لیکن وہ بھی ۔۔ کومل میر انٹرویو کے دوران پھوٹ پھوٹ کر کیوں رونے لگیں؟

Komal Meer Interview Me Kyun Ronay Lagi

پاکستانی ڈرامہ انڈسٹری کی خوبصورت اداکارہ کومل میر نے اپنی معصوم سی مسکراہٹ اور شاندار اداکاری سے مختصر وقت میں ہی ناظرین کے دل جیت لیے۔ مگر حال ہی میں اُن کی بڑھتی ہوئی جسمانی تبدیلی اور وزن میں اضافے نے شائقین کی توجہ اپنی جانب مبذول کر لی۔

فوشیا میگزین کے یوٹیوب شو میں گفتگو کرتے ہوئے کومل میر نے دل کھول کر اپنی وہ تکالیف بیان کیں، جو سوشل میڈیا پر ہونے والی تنقید اور طنزیہ رویے کی وجہ سے اُنہیں سہنی پڑیں۔

اداکارہ نے اعتراف کیا، "سچ کہوں تو یہ سب میرے لیے بہت مشکل تھا۔ میں کئی بار روتی بھی رہی کیونکہ اجنبیوں کی باتیں برداشت کرلوں تو بھی، اپنے جاننے والوں کی عجیب و غریب باتیں دل کو زخمی کر جاتی ہیں۔ آن لائن مذاق کو شروع میں نظر انداز کرنے کی کوشش کی، مگر جب قریبی لوگ ہی طعنے دینے لگیں تو برداشت ختم ہو گئی۔ دوستوں سے یہی امید تھی کہ وہ میرا سہارا بنیں گے، لیکن اکثر اُن کے رویے نے مایوس کر دیا۔ آج بھی روزانہ کوئی نہ کوئی پیغام ملتا ہے کہ میرا وزن کیوں بڑھ گیا۔ یہاں تک کہ کئی دوستوں نے مجھے مشورہ دیا کہ وضاحت دینے کے لیے ویڈیو بنا لو۔ مگر سوال یہ ہے کہ آخر میں اپنے وجود کا حساب کیوں دوں؟ لوگ یقین کرنا ہی نہیں چاہتے تو وضاحت دینے کا فائدہ کیا؟"

کومل میر کی یہ گفتگو اُن تمام خواتین کے لیے آئینہ ہے جو صرف جسمانی تبدیلی کی بنیاد پر کڑی تنقید کا سامنا کرتی ہیں۔ وہ کہتی ہیں کہ اب یہ تنقید اُن کی زندگی کا مستقل حصہ بن چکی ہے، لیکن وہ چاہتی ہیں کہ دوسروں کی سوچ اُن کے حوصلے کو کمزور نہ کرے۔

آپ کے خیال میں، عوامی شخصیات کو اپنی ذاتی زندگی اور جسمانی تبدیلیوں کی وضاحت دینے کی ضرورت ہوتی ہے یا نہیں؟