امی کہتی تھیں برداشت کرو طلاق نہ لینا.. پہلے شوہر کسی تقریب میں نہیں جانے دیتے تھے! کرن اشفاق پہلی شادی اور طلاق کے بارے میں بتاتے ہوئے رو پڑیں

"’پاکستان میں صرف لڑکی کی طلاق نہیں ہوتی، میرے ساتھ میرے دونوں بھائیوں کو طلاق ملی، دونوں بہنوں، امی اور ابو کو بھی طلاق ملی. یہ طلاق صرف ہم لڑکیوں کے لئے ہوتی ہے مرد سے کوئی کچھ سوال نہیں کرتا"

یہ کہنا ہے حال ہی میں دلہن بننے والی ماڈل اور اداکارہ کرن اشفاق کا جنھوں نے ایک پوڈکاسٹ میں شرکت کرتے ہوئے پہلی بار اداکار عمران اشرف سے اپنی پہلی شادی اور طلاق سے لے کر دوسری شادی کے متعلق بھی تفصیلی گفتگو کی اور طلاق کے ذکر پر رو پڑیں.

کرن اشفاق کا کہنا تھا کہ ان کے سابق شوہر نے 5 سال کے دوران انہیں کسی عوامی تقریب میں شرکت کرنے کی اجازت نہیں دی تھی. انھوں نے اس حوالے سے بتایا کہ وہ بہت پہلے شادی توڑ دینا چاہتی تھیں لیکن ان کی امی نے کہا تھا کہ کچھ بھی ہوجائے برداشت کرو، طلاق کا نہ سوچنا کیونکہ تمھاری طلاق نیشنل نیوز بن جائے گی تمھاری دو بڑی بہنیں ہیں ان کا بھی سوچنا. اسی لئے میں برداشت کرتی رہی اور میں نے طلاق نہیں لی بلکہ مجھے دی گئی. میں زیادہ کھل کر نہی کہنا چاہوں گی لیکن سب سمجھدار ہیں میری عدت بنتی ہی نہیں تھی. اگست کے آخر میں مجھے طلاق دی گئی جبکہ اکتوبر میں ہم نے اسٹیٹس لگا کر لوگوں کع اطلاع دی.

کرن اشفاق نے مشکل وقت پر بات کرتے ہوئے بتایا کہ انھیں طلاق کے بعد دماغی دورے پڑنے لگے تھے اور ان کے والد اگلے 5 دن اسپتال میں رہے. بعد میں بھی وہ نماز میں روتے رہتے تھے. ان کی یہ حالت دیکھ کر میں نے دوسری شادی کے لئے ہاں کردی.

اپنی نئی سسرال کے متعلق کرن کہتی ہیں کہ مجھے امید نہیں تھی کہ میری ساس اتنی اچھی ہوں گی، یہ بہت بڑی رحمت ہے، عام طور پر ساس اچھی نہیں ہوتیں لیکن بہوئیں بھی بیٹیاں تب ہی بنتی ہیں جب ساس ماں بنتی ہے۔ پچھلے 5 سال سے میرے والدین کو سکون کی نیند نہیں آئی. حمزہ علی سے شادی کرنے کے بعد میرے والدین کو ذہنی سکون ملا ہے اور وہ الارم سے جاگتے ہیں اس کے لیے میں اپنے شوہر حمزہ اور ان کی فیملی کا شکریہ ادا کرنا چاہوں گی۔

واضح رہے کہ کرن اشفاق نے 4 دسمبر کو پاکستان پیپلز پارٹی (پی پی پی) کے رہنما حمزہ علی چوہدری سے دوسری شادی کی تھی۔ جبکہ ان کی پہلی شادی 2018 میں اداکار عمران اشرف سے ہوئی تھی. 2020 میں بیٹے روحام کی پیدائش ہوئی اور نومبر 2022 میں طلاق ہوگئی تھی۔

کرن کا کہنا ہے کہ بحیثیت باپ عمران اشرف کافی اچھے ہیں بہت کم ایسے باپ ہوتے ہیں اور وہ بیٹے سے بہت محبت کرتے ہیں.