میرے بیٹے کبھی نماز نہ چھوڑنا اور۔۔ شہید فلسطینی صحافی کا بیٹے کے نام آخری خط ! کیا نصیحتیں کیں؟ پڑھنے والے آںسو نہ روک پائے

Killed Gaza Journalist Mariam Abu Daqqas Last Letter To Her Son

یہ داستان ایک شہید ماں کے دل کی وہ آخری دھڑکن ہے جو لفظوں کی صورت اپنے لعل کے نام چھوڑ گئی۔

غزہ کی بہادر صحافی مریم ابو دقہ نے اپنی شہادت سے قبل اپنے بیٹے غیث کو ایک ایسا خط لکھا جو محبت، دعا، قربانی اور ایمان کی خوشبو سے بھرا ہوا ہے۔

انہوں نے لکھا، غیث! تم میری روح کی روشنی ہو، میرا سہارا ہو۔ میری جدائی پر آنسو نہ بہانا، بس دعا دینا کہ رب مجھے سکون عطا کرے۔

مریم نے اپنے بیٹے کو وصیت کی؛

ایمان کو اپنا سرمایہ بنانا۔

علم کے میدان میں آگے بڑھنا۔

عزت اور وقار کو کبھی نہ چھوڑنا۔

محنت اور حوصلے سے کامیابی کی راہ پر چلنا۔

اپنی ماں کی قربانی کو فخر کے ساتھ یاد رکھنا۔

انہوں نے کہا، میں نے جو بھی قدم اٹھایا، وہ تمہاری مسکراہٹ، سکون اور خوشیوں کے لیے تھا۔ میری سب سے بڑی آرزو ہے کہ تم زندگی میں سرخرو رہو۔

خط کے اختتام پر مریم نے اپنے بیٹے سے ایک آخری خواہش کا ذکر کیا۔

غیث! جب تم بڑے ہو جاؤ، تمہاری ایک بیٹی ہو، تو اس کا نام مریم رکھنا… اس ماں کے نام پر جس نے تمہیں بے پناہ چاہا۔

اور پھر آخری نصیحت، سب سے قیمتی تحفہ:

بیٹے! کبھی اپنی نماز نہ چھوڑنا، یہی تمہاری اصل طاقت ہے، یہی تمہیں کامیاب اور سر بلند رکھے گی۔

یہ صرف ایک خط نہیں، بلکہ ایک ماں کی لازوال محبت، شہادت کی خوشبو اور ایمان کی امانت ہے۔