2 بار جہاز کا سفر کیا دونوں جہاز گر گئے لیکن.. خوش نصیب جوڑے کی جان کیسے بچ گئی؟ حیران کردینے والا واقعہ

جسے اللہ رکھے اسے کون چکھے. کبھی تو انسان گھر میں اچھا بھلا بیٹھا ہوتا ہے اور ناگہانی موت اسے آلیتی ہے جبکہ کبھی جہاز سے ہزاروں فٹ کی بلندیوں سے گر کر بھی وہ زندہ رہتا ہے. ایسا ہی عجیب و غریب واقعہ پیش آیا جس میں ایک جوڑا 2 بار ہوائی جہاز کے حادثوں سے محفوظ رہا.

30 سالہ اسٹیفانو پیریلی اور ان کی منگیتر 22 سالہ انٹونیٹا دیماسی دوستوں کے ساتھ دوپہر کا کھانا کھانے کیلئے اٹلی کے شہر ٹورن کی جانب رواں دواں تھے البتہ دونوں ہی ایک وقت میں الگ الگ جہازوں میں سفر کررہے تھے. جس میں سے ایک میں اچانک خرابی پیدا ہوئی اور وہ گر گیا جبکہ دوسرا جہاز بھی ٹھیک اسی وقت تھوڑے فاصلے پر گر گیا.

اس حادثے میں انٹونیٹا کو معمولی چوٹیں آئیں البتہ ان کے منگیتر بالکل محفوظ رہے. ریسکیو عملے نے فوری کاروائی کرتے ہوئے دونوں کو طبی امداد فراہم کی.

اسٹیفانو نے اپنی منگیتر کے بارے میں بتاتے ہوئے کہا کہ یہ انٹونیٹا کا ہوائی جہاز کا پہلا سفر تھا اور اس حادثے پر مجھے بہت افسوس ہے۔ دن کا آغاز بہت خوبصورتی سے ہوا تھا اور اس کا اختتام اس وقت ہوا جب ہمارے دونوں الگ الگ طیارے گر کر تباہ ہو گئے جب ہم ائر اسٹرپ کی جانب بڑھ رہے تھے تو ہم دھند اور اندھیرے میں گھرے ہوئے تھے اور ہم جانتے تھے کہ ارد گرد بجلی کی تاریں موجود ہیں لیکن اس سے پہلے کہ ہم اسے دیکھتے ہم زمین پر ایک گھاس کے میدان میں جا گرے"