اگر بادام پانی میں تیرتے رہے تو سمجھ لیں کہ ۔۔ بادام اصلی ہیں جعلی، گھر بیٹھے پتہ لگانے کا آسان طریقہ جانیں

بادام ہر گھر میں موجود ہوتا ہے جنہیں لوگ صبح سویرے کھاتے ہیں تاکہ صحت مندانہ زندگی گزار سکیں۔ دماغ کو تیز رکھنے والی اس غذا کے بے شمار فوائد ہوتے ہیں جو بڑی بیماریوں سے ہمیں دور رکھتے ہیں۔

لیکن اگر بادام ہی معیاری نہ ہوں تو پھر اسے کھانے سے کیا فائدہ حاصل ہوگا؟ بہت سے لوگ بادام خرید تو لیتے ہیں مگر انہیں یہ بات معلوم نہیں ہوتی کہ بادام اچھے، خالص ہیں بھی یا پھر نہیں۔

آج ہم آپ کو تازہ بادام چیک کرنے کے چند طریقے بتانے جا رہے ہیں جس کے بعد آپ جعلساز دکانداروں کے فریب سے دھوکہ نہیں کھائیں گے۔

ظاہری شکل

بادام کے معیار کو جانچنے کی طرف پہلا قدم ظاہری شکل اور رنگ اور ساخت کو دیکھنا ہے، معیاری بادام کی ساخت بھوری اور بے داغ ہوتی ہے۔

اگر آپ کو اس کی رنگت میں فرق نظر آئے یعنی کہیں سے رنگ تیز کہیں سے ہلکا، یا اگر بادام زیادہ سیاہ نظر آتے ہیں تو اس کا مطلب صحیح نہیں۔

ذائقہ اور خوشبو ہونی چاہئے

بادام عام طور پر ذائقے میں میٹھے اور کرنچی ہوتے ہیں، اگر ذائقہ میں کڑواہٹ ہو یا چبانے میں نرم ہوں تو بادام کھان چھوڑ دینا چاہئے کیونکہ یہ بعض کیمیکلز جیسے فائٹک ایسڈ کی موجودگی کی نشاندہی کرتا ہے جو کہ بادام کی بیرونی تہہ میں قدرتی زہر ہوتا ہے، اعلیٰ قسم کے بادام تازہ، میٹھے اور کرنچی ہوتے ہیں۔

پانی کا ٹیسٹ لازمی کرلیں

باداموں کو پانی کے پیالے میں رکھیں، اگر وہ اچھی کوالٹی کے ہوئے تو وہ پانی کی تہہ میں چلے جائیں گے، بادام کو نیچے تک ڈوب جانا چاہیے کیونکہ وہ وزنی ہوتے ہیں، اگر بادام تیرتے رہے تو سمجھ لیں کہ میوہ پرانا ہو چکا ہے یا پھر خراب ہے۔