خالی پیٹ شہد میں لیموں پانی ملا کر پینے سے کیا ہوتا ہے؟ جانیں اس پانی کے بہترین فوائد

نہارمنہ نیم گرم پانی پینے کے فوائد، شہد اور لیموں کے فوائد تو ہم کے-فوڈز میں آپ کو بتاتے رہتے ہیں،
آج ہم آپ کو بتاتے ہیں کہ خآلی پیٹ شہد کو لیموں پانی میں مکس کرکے پینے کے ایسے فائدے جو آپ کی زندگی میں بھی مثبت تبدیلیاں لا سکتے ہیں۔

فائدے!

٭ نزلہ، زکام کی چھٹی:

نہارمنہ ایک گلاس نیم گرم پانی میں لیموں کا رس اورشہد مکس کریں اس کو روزانہ پیئیں، اس سے نزلہ زکام اور دھول مٹی سے ہونے والی الرجی بھی کنٹرول ہو جاتی ہے۔

٭ معدے کے امراض:

لیموں اور شہد معدے کی صفائی کرتے ہیں جس سے معدے میں چکنائی جمع نہیں ہوتی اور کھانے کے ذرات بآسانی خارج ہو جاتے ہیں۔

٭ سر درد:

صبح اٹھنے کے بعد اکثر لوگوں کو سر بھاری محسوس ہوتا ہے اور سر درد کی شکایت ہوتی ہے، جس کی وجہ سے چائے اور کافی پینے والے بغیر چائے کے نہیں رہ سکتے، ان لوگوں کے لئے یہ بہت مفید مشروب ہے۔

٭ نظام ہاضمہ:

قبض ہو یا گیس، پیٹ خراب ہو یا کھٹی ڈکاریں آتی ہوں، روزانہ اس پانی کو پیئیں اور ہاضمے کے مسائل سے جان چھڑائیں۔

٭ وزن کم:

وہ لوگ جو اپنے وزن میں کمی لانا چاہتے ہیں انہیں ڈائٹنگ کے ساتھ ساتھ نہار منہ لیموں پانی اور شہد ملا کر پینا چاہیئے، یہ جسم کی اضافی چربی اور کولیسٹرول کو گھٹاتا ہے اور وزن میں کمی لاتا ہے۔

٭ حسین جلد:

لیموں اور شہد خون کی صفائی کرتے ہیں اور جسم سے کیمیائی مادوں کے اخراج میں مدد دیتے ہیں جس سے آپ کی جلد صاف اور چمکدار ہونے لگتی ہے، آپ کے بالوں میں بھی مضبوطی آ جاتی ہے۔