6 ماہ کی تھی جب والد نے پھوپھو کے حوالے کر دیا۔۔ ڈاکٹر بلقیس کو ان کی والدہ سے کیوں الگ کیا گیا؟ بتاتے ہوئے جذباتی ہو گئیں

ڈاکٹر بلقیس جلد اور بالوں کی ماہر ہیں اور وہ مارننگ شو دیکھنے والوں میں بہت مشہور ہیں۔ ہم نے انہیں کئی لائیو شوز میں لاتعداد بار دیکھا ہے۔ وہ اپنا کلینک بھی چلاتی ہیں اور وہ بالوں، ناخنوں اور جلد کے لیے ریمیڈیز اور ٹپس بھی شیئر کرتی ہے۔

وہ ایک خوش مزاج شخصیت کی مالکن ہیں لیکن ان کی زندگی سے جڑی افسوسناک کہانی بہت کم لوگ ہی جانتے ہیں۔

حال ہی میں انہوں نے مدیحہ نقوی کے شو میں شرکت کی جہاں انہوں نے اپنی نجی زندگی سے کچھ انکشافات کئے۔

جب ان سے پوچھا گیا کہ ان کا انکی والدہ کے ساتھ تعلقات کیسے تھے تو وہ جذباتی ہوگئیں کیونکہ اس سوال کے جواب کے پیچھے ایک دکھ بھری کہانی تھی۔

ڈاکٹر بلقیس نے بتایا کہ، جب وہ صرف 6 ماہ کی تھیں تو ان کے والد نے انہیں اپنی ماں کی گود سے لے کر پرورش کے لیے اپنی بہن کے حوالے کر دیا تھا کیونکہ چترال میں جہاں وہ لوگ رہتے تھے وہاں پڑھائی لکھائی کی خاص سہولیات موجود نہیں تھیں۔ لہذا، ان کی پرورش ان کی پھوپھو نے کی اور شہر میں ہی پران کی تعلیم مکمل ہوئی۔ جب وہ گیارہویں جماعت میں تھیں تو ان کی والدہ کا انتقال ہو گیا۔ لہذا، وہ اپنی پوری زندگی میں صرف ایک سال کا وقت اپنی ماں کے ساتھ گزار سکی تھیں۔ اسلیئے ان کا اپنی ماں کے ساتھ کبھی ایسا رشتہ قائم نہیں ہوا جیسا ماں بیٹی میں ہوتا ہے۔