طلعت حسین کی بیٹی تازین ایک بار پھر دلہن بن گئیں.. دوسرا شوہر کون ہے؟

Tazeen Hussain Gets Married Again

مشہور اداکار، استاد اور لیجنڈری فنکار طلعت حسین کی باصلاحیت بیٹی، تازین حسین، ایک بار پھر خبروں کی زینت بن گئیں، مگر اس بار وجہ ان کا دل جیت لینے والا ڈرامہ نہیں بلکہ ان کی ذاتی زندگی کی ایک خوبصورت پیش رفت ہے۔

ٹی وی اسکرین پر کامیاب واپسی کے بعد "یونہی"، "ظلم" اور "قرضِ جان" جیسے مقبول ڈراموں سے شائقین کے دلوں پر راج کرنے والی تازین حسین نے دوسری بار شادی کے بندھن میں بندھ کر نئی زندگی کا آغاز کر لیا ہے۔

زندگی کے اتار چڑھاؤ دیکھنے والی تازین، ایک مضبوط سنگل ماں کے طور پر اپنے سفر میں ڈٹی رہیں، اور اب قسمت نے ایک بار پھر ان کے در پر خوشیوں کی دستک دی ہے۔

تازین نے حال ہی میں ایک نجی تقریب میں بینکر عامر سیدین کے ساتھ نکاح کیا، اور ان کی قریبی دوست سائرہ دانش احمد نے اس خوبصورت لمحے کی تصویری جھلکیاں مداحوں کے ساتھ شیئر کیں۔

نئی زندگی کے اس حسین آغاز پر تازین اور عامر کو ڈھیروں دعائیں اور نیک تمنائیں۔ ہوائیں ہمیشہ ان کے حق میں چلیں۔