کمر کس کا نام ذہن میں آتے ہی یہ خیال آتا ہے کہ یہ کوئي ایسی شے ہو گی جو کمر کو طاقت فراہم کرتا ہوگا ۔ عام طور پر پنساری کی دکان پر ملنے والی اس جڑی بوٹی کے متعلق بہت کم لوگ اس حقیقت سے واقف ہیں کہ کمر کس درحقیقت ہمارے ملک میں آسانی سے اگنے والے ایک درخت کے پھولوں کی سوکھی ہوئي حالت ہے۔آپ نے اپنے ارد گرد گل مہر یا فلیم آف دا فارسٹ نامی درخت کو تو سب ہی نے دیکھا ہو گا گرمی کے موسم میں یہ درخت سرخ اوراورنج رنگ کے پھولوں سے پوری طرح سے ڈھک جاتا ہے۔ اس درخت سے حاصل ہونے والے سرخ پھولوں کو اور بعض اوقات اس کے تنے سے حاصل ہونے والی گوند کو خشک کر کے کمر کس کے نام سے فروخت کیا جاتا ہے۔ کمرکس میں بہترین قسم کے فولٹ ایسڈ کی مقدار پائی جاتی ہے ساتھ ہی اس میں کاربس، میگنیشئم، وٹامن اے ، کے اور پوٹاشئیم پائی جاتی ہے جو اس کو مسائل کے حل میں مفید بناتی ہے۔
بچے کی ولادت کے بعد عورت کو بھی اس جڑی بوٹی کا حلوہ یا پنجیری بنا کر کھلائی جاتی ہے تاکہ کمر مضبوط ہو اور کمر درد کا خاتمہ ہو سکے۔
ماہواری کا درد
اکثر خواتین کو ماہواری کے دوران شدید کمر درد کی شکایت ہوتی ہے اس کے علاوہ حمل کے دوران اور ڈلیوری کے بعد بھی ان کو کمر درد کی شکایت کا سامنا کرنا پڑتا ہے ۔ اسکے علاوہ لیکوریا کی وجہ سے بھی کمر میں درد کی شکایت رہتی ہے۔
مخصوص زنانہ مسائل میں مفید
ان تمام وجوہا ت کے سبب ہونے والے کمر درد کی وجہ سے اکثر خواتین ازدواجی تعلقات سے گھبراتی ہیں ۔ جس کا براہ راست اثر ان کی ازدواجی زندگی پر پڑتا ہے ایسی صورتحال میں کمر کس کا باقاعدہ استعمال نہ صرف ان کے ان مسائل کا خاتمہ کرتا ہے بلکہ ان کی کمر کومضبوط کر دیتا ہے۔
کھانسی اور بلغم کے لئے مفید
اگر آپ کو کھانسی ہو اور بلغم آتا ہو تو کمرکس آپ کے لئے بہترین دوا ہے اس کے استعمال سے آپ کو کھانسی اور بلغم سے نجات مل جائے گی۔
پیٹ کے کیڑے
اگر کسی بھی شخص کے پیٹ میں کیڑے ہوں تو اس کو لازمی استعمال کریں اس کے ترش ذائقے کی وجہ سےکیڑوں کو نکالنے میں کافی مدد ملتی ہے۔
شوگر کے مریضوں کے لئے
اگر کوئی شوگر کی بیماری میں مبتلا ہو تو اس کو چاہئیے کہ کمرکس کے پتے استعمال کرے۔ ان کے استعمال سے شوگر کا لیول کنٹرول میں رہتا ہے۔ اور یہ جسم میں انسولین کی مقدار کو بھی زیادہ نہیں ہونے دیتے۔