میرے ساتھ دھوکا ہوگیا ۔۔ شادی کے اگلے دن سعود نے جویریہ کو دیکھ کر ایسا کیوں کہا؟ اداکارہ کا دلچسپ انکشاف

Javeria Saud Shares How Saud React On Her Short Height

پاکستانی شوبز کی مشہور اور ہر دلعزیز اداکارہ جویریہ سعود نے حال ہی میں ایک ایسی دلچسپ بات شیئر کی جو سن کر مداح بھی مسکرا اُٹھے۔ جویریہ اور سعود قاسمی کی جوڑی ویسے ہی اپنی ہنسی مذاق اور خوشگوار تعلقات کی وجہ سے مداحوں کے دلوں میں خاص مقام رکھتی ہے، مگر اس بار جویریہ نے ایک ایسا راز کھولا جو ہنسی روکنا مشکل بنا دے۔

2005 میں ہونے والی شادی کے قصے سناتے ہوئے جویریہ نے یاد دلایا کہ شادی کے دن وہ 6 انچ کی ہیلز پہن کر سعود کے برابر قد کی نظر آ رہی تھیں۔ اگلے ہی دن، جب حقیقت سامنے آئی تو سعود نے ہنستے ہنستے کہہ دیا، ارے! یہ تو میرے ساتھ دھوکا ہوگیا۔

یہ بیان ایک تقریب میں اُس وقت سامنے آیا جب جویریہ اسٹیج پر چڑھنے کی کوشش کر رہی تھیں اور نیچے اینٹ رکھ کر مدد لی۔ اسی موقع پر انہوں نے ہنستے ہوئے کہا، میں 1993 سے اب تک انہی اینٹوں پر کھڑی ہوں۔

ان کی مزاحیہ گفتگو کی ویڈیو جیسے ہی سوشل میڈیا پر آئی، تبصرے بارش کی طرح برسنے لگے۔ کسی نے ہلکے پھلکے انداز میں کہا، یہ تو قد کی سیاست ہے۔ تو کسی نے ہنستے ہوئے ٹرول کیا کہ شوبز کے سب ہی اسٹارز کیمرے میں لمبے لگتے ہیں، اصل میں تو سب چار فٹ کے ہیں۔

یہ قصہ ایک بار پھر ثابت کر گیا کہ جویریہ سعود نہ صرف اداکاری بلکہ اپنی برجستہ باتوں سے بھی ہر محفل کا رنگ بدلنے کا فن جانتی ہیں۔