شادی کے 60 سال بعد جڑواں بچوں کی پیدائش ۔۔ بوڑھی خاتون نے اپنے حمل سے متعلق کیا بتایا؟

جب اللہ تعالیٰ اولاد کی نعمت سے نوازنا چاہے تو وہ ہر صورت عطا کردیتا ہے پھرعمروں کا فرق، جسمانی کمزوریوں کی پریشانیاں بھی کچھ نہیں کر پاتی ہیں۔ کم عمر کی خواتین میں ماں بننے کی صلاحیت زیادہ ہوتی ہے اس کے مقابلے بڑی عمر کی عورتوں میں شرح کم ہوتی ہے۔ مگر بھارت میں ایک خاتون کے ہاں شادی کے 60 سال بعد جڑواں بچوں کی پیدائش ہوئی۔

دیوی کے ہاں اس عمر میں آئی وی ایف نہیں بلکہ قدرتی طور پر بچوں کی پیدائش ہوئی تھی جو یقیناً ڈاکٹروں کے لیے بھی حیران کن تھی۔ ان کے ہاں ایک بیٹا اور ایک بیٹی پیدا ہوئی جس نے یہ واضح کردیا کہ خدا کی قدرت کبھی بھی کسی کو بھی اور کسی بھی حال میں نواز سکتی ہے۔

دیوی اپنے حمل سے متعلق بتاتی ہیں: " میں نا امید ہوچکی تھی، شوہر نے اسی غرض سے دوسری شادی کرلی تھی کہ میں بانجھ ہوں میری اولاد نہیں ہوسکتی، مگر پھر بھی وہ مجھ سے محبت کرتا تھا، اس نے گھر والوں کے کہنے پر شادی تو کرلی مگر میرا خیال رکھنا نہ چھوڑا۔ ایک دن اچانک میری طبیعت بگڑ گئی اور 2 ماہ میں میرا وزن بھی بڑھنے لگا۔ مجھے تشویش ہونے لگی کہ کہیں مجھے کوئی بیماری یا ٹیومر تو نہیں ہوگیا؟ لیکن پھر جب ڈاکٹر کے پاس گئے تو انہوں نے بتایا کہ میں ڈھائی ماہ کی حاملہ ہوں اور پیٹ میں 1 نہیں 2 ایمبریو ہیں۔"

ڈاکٹر نے کیا کہا؟

ڈاکٹر رشمسائی نے کہا کہ یہ بہت حیران کن بات ہے کہ اس عمر میں قدرتی طور بچے کی پیدائش ہونا قدرت کا ایک کرشمہ ہے۔

جڑواں بچے؟

جب 6 اور 8 پاؤنڈ کے جڑواں بچے پیدا ہوئے تو دیوی اور ان کے شوہر رام سمیت ڈاکٹر اور پورا عملہ حیران ہوا کہ یہ کیسے ممکن ہے، مگر سب بہت خوش ہوئے۔ اب یہ بچے 7 سال کے ہوگئے ہیں اور اپنی ماں کا بہترین خیال رکھ رہے ہیں۔