بچی کی حالت نازک تھی اور۔۔ بیوی کے آپریشن پر ویڈیو! صارفین نے اقراء کنول کے شوہر کو حدود یاد کروا دی

Iqra Kanwal And Husband Criticized For Oversharing After Delivery

یوٹیوب کی دنیا کی وہ مشہور جوڑی اقرا کنول اور اریب پرویز اب والدین بن چکے ہیں۔ اور ہاں، اس نئے سفر کی ہر سانس، ہر آنسو، اور ہر لمحہ بھی کیمرے کی آنکھ سے محفوظ کر لیا گیا ہے۔

زچگی کے بعد کا کمرہ، اقرا کا بستر پر لرزتا چہرہ، اریب کی محبت بھری نظریں، اور خاندان کے نم دیدہ جذبات، سب کچھ وی لاگ میں شامل تھا۔ یہاں تک کہ وہ پل بھی، جب ڈاکٹر نے اچانک اسکین کر کے بتایا، بچی کی طبیعت خراب ہے، فوری آپریشن کرنا ہوگا۔

اریب نے بیٹی کی پیدائش سے لے کر پہلی جھلک تک — ہر منظر دنیا کے ساتھ بانٹ دیا۔

لیکن کیا ہر کہانی سامعین کی تالی بٹورتی ہے؟ نہیں!

جہاں لاکھوں دلوں نے اس نئے سفر پر خوشی سے دعائیں دی، وہیں کچھ آوازیں بے ساختہ چیخ اٹھیں

۔ زخم ابھی بھرے نہیں، کیمرہ پہلے سے آن ہے۔

۔ بچی کو بھی کانٹینٹ بنا دیا۔

۔ اگر ٹانکے دکھا دیتے تو ویوز ڈبل ہو جاتے۔

کچھ نے سوال کیا کہ کیا ہر احساس، ہر ذاتی لمحہ عوامی رائے کے لیے پیش کیا جانا چاہیے؟

جبکہ کچھ نے یاد دلایا کہ یہ دور 'شیئرنگ' کا ہے — چاہے خوشی ہو یا غم۔

تو کیا زندگی کا ہر اہم مرحلہ وی لاگ میں تبدیل کر دینا ہی کامیاب ڈیجیٹل لائف کی تعریف ہے؟ یا پھر کچھ لمحات ایسے ہوتے ہیں جو صرف دل کے کمرے میں محفوظ رکھنے کے لائق ہوتے ہیں؟