کٹکی ایک نایاب جڑی بوٹی ۔۔ ماہرین اسے استعمال کرنے کا مشورہ کیوں دیتے ہیں؟ کٹکی کے حیرت انگیز فوائد جو آپ کو اسے خریدنے پر مجبور کردے

جڑی بوٹیوں کا استعمال زمانہ قدیم سے ہوتا آرہا ہے اور آج بھی اس جدید دور میں ان کی اہمیت میں کوئی کمی نہیں آئی ہے، کیونکہ کہیں نہ کہیں یہ ادویات یا نسخوں کے طور پر استعمال ہو رہی ہیں۔ یہ اللّٰہ تعالیٰ کی طرف سے ہمارے لیئے ایک قدرتی تحفہ ہے جس میں حیرت انگیز طور پر مختلف فوائد پائے جاتے ہیں۔

اس ہی طرح کٹکی ایک ایسی جڑی بوٹی ہے جو پہاڑی علاقوں میں پائی جاتی ہے یہ ایک نایاب جڑی بوٹی ہے جس کو گھریلو نسخوں میں استعمال کیا جاتا ہے اور ماہرین اس کے استعمال کا مشورہ دیتے ہیں۔

کٹکی کے صحت بخش فوائد کیا ہیں؟

سانس لینے میں دشواری:

کٹکی میں اینٹی انفلامیٹری خصوصیات موجود ہوتی ہیں اس کے استعمال سے سانس لینے میں دشواری کا سامنا نہیں ہوتا یہ سانس سے جڑے مسائل کو ختم کر کے سانس لینے کے عمل میں آسانی پیدا کرتی ہے اس کا استعمال دمے کے مریضوں کے لئے بھی بےحد فائدے مند ہے اس کے استعمال سے قوتِ مدافعت میں بھی اضافہ ہوتا ہے اور یہ ناک کے انفیکشن کو دور کرنے میں بھی معاون ثابت ہوتی ہے۔

بخار سے نجات کی قدرتی دوا:

جب بھی ہم بخار میں مبتلا ہوتے ہیں تو سب سے پہلے ہمارا کام یہی ہوتا ہے کہ ہم بخار کو کم کرنے کے لئے دوا لیتے ہیں تاکہ جسم کا درجہ حرارت نارمل ہو جائے، کٹکی بھی اس گولی کی طرح کام کرتے ہوئے بخار کو کم کرنے میں فوری علاج کے طور پر استعمال کی جا سکتی ہے، اس کے لئے کٹکی کو پانی میں اُبال کر یا پھر پسی ہوئی کٹکی کو نیم گرم پانی میں شامل کر کے استعمال کیا جاسکتا ہے، اس کے علاوہ آپ اس کے پاؤڈر کو گھی میں ملا کر بھی اسے استعمال کر سکتے ہیں۔

وزن کم کرے:

اگر آپ اپنے بڑھتے وزن سے پریشان ہیں اور اس سے نجات چاہتے ہیں تو کٹکی سے کے استعمال سے بہترین اور کچھ نہیں ہو سکتا ہے کٹکی کا استعمال نظامِ ہاضمہ بہتر کرتا ہے اس میں فائبر کی وافر مقدار موجود ہوتی ہے یہ گیسٹرک مسائل کو دور کر کے میٹابولزم میں اضافہ کرتا ہے اور جسم کی اضافی چربی کو کم کرتا ہے کٹکی کا باقاعدہ استعمال، صحیح خوراک اور ورزش کے ساتھ وزن کم کیا جا سکتا ہے اس کے پانی میں اُبال کر قہوہ کے طور پر استعمال کیا جا سکتا ہے۔

زخم خشک کرے:

ہلدی کی طرح کٹکی بھی بےشمار اینٹی آکسیڈنٹس سے بھرپور ہوتی ہے یہ جسم پر موجود زخم کو خشک کرنے کے لئے بھی استعمال کیا جا سکتی ہے، اس کے استعمال سے انفیکشن کا خاتمہ کرنا ممکن ہے یہ خارش دور کرنے کے لئے بھی مفید ہے اس کے استعمال سے جلد سے جڑے کئی مسائل حل کئے جاتے ہیں۔

جگر کے لئے فائدہ مند:

کٹکی کے فوائد میں سب سے اہم اور بہترین یہ ہے کہ کٹکی جگر کے لئے بے حد فائدے مند ہے، یہ پِتّے کے عدم توازن اور اس کے مسائل کو دور کرتا ہے، کٹکی میں ایک اہم انزائم بھی پایا جاتا ہے جسے 'کٹکن' یا 'پکرولیو' کے نام سے جانا جاتا ہے جو زیادہ مقدار میں جگر کے افعال کو یقینی بناتا ہے، زہریلے مادوں کو صاف کرتا ہے اور خراب جراثیموں سے کی افزائش کو محدود کرتا ہے جو کہ آپ کی جسمانی کارکردگی کو متاثر کر سکتے ہیں۔