انٹرنیٹ نہیں چلا تو گھر میں بچے بھوکے رہ گئے ۔۔ آن لائن فوڈ ڈلیویری کرنے والوں نے 3 دن کیسے گزارا کیا؟

ملکی سیاسی صورتحال کے پیشِ نظر جہاں حکومت نے انٹرنیٹ سروس بند کردی، وہیں لاکھوں لوگوں کا بے جا نقصان بھی کروا دیا گیا۔ انٹرنیٹ اس وقت کسی بھی ملک کی ترقی و خوشحالی کا سب سے اہم ذریعہ ہے، کوئی اس کی مدد سے پڑھتا ہے، آن لائن کلاس لیتا ہے ، کوئی بزنس کر رہا ہے، کوئی کھانے پینے بنا کر بیچتا ہے تو کوئی اس کے ذریعے یومیہ کچھ رقم کما لیتا ہے۔

فوڈ ڈلیویری رائڈرز بھی بیچارے انہی میں سے ایک ہیں جن کی کمائی کا سارا دارومدار انٹرنیٹ پر ہوتا ہے۔ ظاہر ہے کسی کا کچھ کھانے کا دل کرے گا وہ آرڈر دے گا اور ڈلیویری بوائے اس کو بروقت آرڈر پہنچا دے گا۔

لیکن پچھلے دنوں میں ملک میں انٹرنیٹ نہ ہونے کی وجہ سے یومیہ کمانے والے ڈلیویری رائڈرز کے گھروں میں فاقے ہوگئے، کئی لوگوں کے بچوں کو بھوکا پیٹ سونا پڑا تو کچھ کی جمع پونجی انہی دنوں میں ختم ہو کر رہ گئی۔

سوشل میڈیا پر ایک پوسٹ تیزی سے شیئر کی جا رہی ہے جو شاید آپ کے حق میں بھی صدقہ جاریہ ثابت ہوسکتی ہے۔ کسی فوڈ ڈلیویری بوائے کو دیکھیں تو اس کو خالی ہاتھ نہ جانے دیں بلکہ اضآفی 100 یا 200 روپے اپنی حیثیت کے مطابق کچھ رقم دے دیں تاکہ غریبوں اور ضرورتمندوں کی مدد ہوسکے۔