روئی کو بھگو کر کچن میں رکھنے سے کیا ہوتا ہے؟ کچن کی کچھ ایسی کمال کی ٹپس جو ہر گھر میں کام آئے

روئی ہر گھر میں موجود ہوتی ہے اس کو ناخنوں سے پالش ہٹانے یا پھر کسی کو چوٹ یا زخم پر لگانی ہوتی ہے لیکن اس روئی کے کئی اور بھی فائدے ہیں جو آج ہم آپ کو بتانے والے ہیں، اس لیے اگر گھر میں رکھی ہوئی ہے روئی تو اس کو ضائع ہونے سے بچائیں اور ایک بڑے مسئلے کے حل کے لیے اس روئی کو کارآمد بنائیں۔

روئی کو بھگو کر رکھنے کے فائدے:

٭ گھروں میں چوہے اور چھپکلیاں کم و بیش ہر وقت ہی گھومتے رہتے ہیں لیکن اس کا پتہ رات کے وقت زیادہ چلتا ہے یا پھر جب کوئی کھانے کی چیز باہر یونہی رکھی رہ جائے تو چوہے اس کو خراب کردیتے ہیں، گتے کھا جاتے ہیں، چیزیں کتر دیتے ہیں ایسے میں روئی کے چھوٹے چھوٹے ٹکڑوں کو بتائے گئے پانی میں بھگو کر رکھیں اور پھر کمال کا فائدہ دیکھیں:

چوہوں کو کیسے بھگائیں؟

٭ ایک پیالی میں کافور کا پاؤڈر ڈالیں، ایک چمچ پانی، ایک چمچ سفید سرکہ اور ایک چمچ ڈیٹول ڈال کر اچھی طرح مکس کریں اور روئی کلے چھوٹے چھوٹے ٹکڑے اس میں ڈال کر کچن کے کونوں میں رکھ دیں، صبح اٹھ کر دیکھیں گی تو گھر میں پائے جانے والے چوہے مرے ہوئے دکھائی دیں گے۔