میں کالج میں تھا تب بھی بڈھا کہا۔۔ ہمیشہ خوش دکھائی دینے والے ہمایوں سعید کے سینے میں کتنا درد چھپا ہے؟

Humayun Saeed Opens Up About Hate He Faces In His Career

پاکستانی ڈرامہ و فلم انڈسٹری کے بے تاج بادشاہ، ہمایوں سعید، جو نہ صرف ایک کامیاب اداکار ہیں بلکہ پروڈیوسر کے طور پر بھی کئی سپرہٹ پراجیکٹس دے چکے ہیں، حال ہی میں پی ٹی وی ہوم کے شو میں جلوہ گر ہوئے۔ جہاں ہمایوں سعید نے اپنے کیریئر کی تلخ حقیقتیں کھل کر بیان کیں۔

ہمایوں سعید نے بتایا کہ جب سے انہوں نے فلمی دنیا میں قدم رکھا، تب سے ہی تنقید کا سامنا رہا۔ انہوں نے بتایا کہ ان کی پہلی فلم انتہا تھی، جس میں وہ ایک کالج کے طالبعلم کا کردار ادا کر رہے تھے — اور دلچسپ بات یہ ہے کہ وہ اس وقت واقعی کالج میں ہی تھے۔ لیکن پھر بھی لوگوں نے اُن کی عمر کو لے کر اعتراضات شروع کر دیے۔

ان کا کہنا تھا، فلم کے ریلیز کے وقت ایک آرٹیکل میں لکھا گیا کہ ہمایوں سعید اس کردار کے لیے بوڑھے لگتے ہیں۔ حالانکہ میں حقیقت میں جوان تھا، مگر میرے چہرے پر کبھی لڑکوں والا بچپنا نہیں رہا۔ میں بچپن سے ہی بڑا دکھائی دیتا تھا۔

ہمایوں نے مزید کہا کہ ان کی ہر فلم پر کسی نہ کسی طرح کی نفرت کا اظہار کیا گیا، مگر انہوں نے کبھی ہار نہیں مانی۔ ہر بار تنقید کو پس پشت ڈال کر صرف کام پر فوکس کیا اور خود کو بہتر ثابت کیا۔

ایک ایسا ستارہ جو ہر بار چمکا، چاہے کتنی ہی دھند کیوں نہ ہو — ہمایوں سعید کی یہ گفتگو نہ صرف ان کے فینز کے لیے دلچسپ تھی، بلکہ ان لوگوں کے لیے بھی سبق ہے جو کامیابی کی راہ میں آنے والی تنقید سے گھبرا جاتے ہیں۔