گڑ ڈالو تو چائے خراب ہوجاتی ہے۔۔ شیف نے بتائی ایسی ٹب جس سے گڑ کی چائے خراب بھی نہ ہو اور بنے مزیدار

خواتین اس بات کی شکایت کرتی ہیں کہ جب بھی چائے میں گڑ ملانے کی باری آتی ہے تو پوری چائے پھٹ جاتی ہے اور دودھ ضائع ہوجاتا ہے۔ اس مسئلے سے نمٹنے کے لئے ہم ایک آسان ٹپ بتانے جارہے ہیں جس سے آپ جب چاہیں مزیدار گڑ ی چائے کا لطف اٹھا سکتے ہیں۔

چائے بنانے کے اجزاء

اس چائے کے لئے آپ کو آدھا چمچ پسی ہوئی چھوٹی الائچی، ڈیڑھ کپ پانی، دو کپ دودھ، ایک چٹکی نمک، دو چمچ چائے کی پتی، ایک چھوٹا ٹکڑا ادرک اور حسب ذائقہ گڑ چاہئیے۔

ترکیب:

گڑ لیتے ہوئے اس بات کا خیال رکھیں کہ وہ تازہ اور صاف ستھرا ہو۔ دودھ تب ہی پھٹتا ہے جو اس میں کئی مہینوں پرانا یا گندا گڑ ملایا جائے۔گڑ کی چائے

چائے بنانے کا طریقہ

اب چائے بنانے کے لئے دیگچی میں گڑ اور دودھ کے علاوہ تمام چیزیں ڈال کر ابال آنے تک پکائیں۔ جب چائے کا پانی ابل جائے تو اس میں گڑ کے چھوٹے ٹکڑے ڈال کر اتنی دیر پکائیں کہ وہ ایک جان ہوجائے۔ اس کے بعد چولہا بند کردیں۔ تقریباً بیس سے تیس سیکنڈ بعد جب چائے میں بلبلے بننا بند ہوجائیں تو پہلے سے ابلا ہوا دودھ چاہے میں شامل کرکے اچھی طرح ملائیں اور کپ میں نکال لیں اور گڑ کی مزیدار چائے کا لطف اٹھائیں۔