لوگ ان کے ڈراموں کو ترجیح دیتے ہیں کیونکہ۔۔ بھارتی اداکار ہیتن تیجوانی نے پاکستانی ڈراموں کی تعریف کرتے ہوئے کیا کہا؟

پاکستانی ڈرامے اپنی زبردست کہانیوں اور اسٹار پاور کی وجہ سے بھارت اور دنیا کے دیگر حصوں میں بے حد مقبولیت حاصل کر رہے ہیں۔ پاکستانی ڈراموں کی کامیابی اب بھارتی ڈرامہ سازوں کے لیے لمحہ فکریہ بن گئی ہے۔ اسلیئے اب بھارت نے بھی پاکستانی انداز میں ڈرامے بنانے شروع کر دیے ہیں۔

حال ہی میں، مشہور بھارتی اداکار، ہیتن تیجوانی نے پاکستانی ڈراموں کی کامیابی اور مقبولیت پر اپنے خیالات کا اظہار کیا۔

پاکستانی ڈراموں کے بارے میں بات کرتے ہوئے ہیتن تیجوانی نے کہا، "مجھے یقین ہے کہ یہ ان کی کہانیاں ہیں جو لوگوں کو سب سے زیادہ جوڑتی ہیں۔ میرے خیال میں ہمارے ناظرین ان کے ڈراموں کو ترجیح دیتے ہیں کیونکہ وہ کافی حقیقت پسندانہ ہوتے ہیں اور مضبوط محبت کی کہانیاں پیش کرتے ہیں"۔

انہوں نے مزید کہا، "مجھے یقین ہے کہ جب لوگ دونوں کو دیکھیں گے تو وہ پاکستانی ڈراموں کو ضرور ترجیح دیں گے، کیونکہ ان میں تمام ضروری اجزاء ہوتے ہیں۔ ان کی کہانیاں بہت سادہ انداز میں بیان کی جاتی ہیں، نہ کہ اوپر سےآتی ہیں"۔

ہیتن کا کہنا تھا، "مجھے یقین ہے کہ پاکستان میں بھی لوگ ہمارے ڈراموں کو پسند کرتے ہیں اس میں موجود تمام مسالوں کی وجہ سے، جیسے ہمارے ناظرین ان کے شوز کو پسند کرتے ہیں"۔