اچانک میری دعائیں قبول ہوگئیں اور.. حنا خان روضہﷺ کے اندر کیسے پہنچیں؟ اپنے ساتھ پیش آیا روحانی واقعہ بیان کردیا

"روضۂ رسولؐ کے اندر جانے کیلئے 20 جنوری تک خواتین کے لیے کوئی گنجائش نہیں تھی. جب مجھے یہ پتا چلا تو بہت دکھ ہوا پھر میں نے حرم کے اندر جانے اور تھوڑی دیر کے لیے نماز پڑھنے کا فیصلہ کیا۔ نماز پڑھ کر کے جب میں ہوٹل واپس جانے لگی تو پتا چلا کہ جہاں تک پہنچ سکتی ہوں وہاں تک چلی جاؤں۔ میں چلنے لگی اور اس وقت ایسا محسوس ہوا جیسے حضور صلی اللہ علیہ وسلم نے میری پرخلوص دعاؤں کو سن لیا اور روضے پر مجھے بلا لیا کیونکہ انتظامیہ نے خواتین کے لیے 5 منٹ کے لئے دروازہ کھول دیا تھا اور میں سیدھے روضہ رسول صلی اللہ علیہ وسلم کے اندر چلی گئی۔"

یہ کہنا ہے بھارت سے تعلق رکھنے والی اداکارہ حنا خان کا جو اس وقت دوسری بار عمرہ کے لئے سعودی عرب میں موجود ہیں. حنا نے اپنے ساتھ پیش آنے والے روحانی واقعے کے متعلق مزید بتایا کہ "میں بس روتی رہی، یہ آنسو شکر گزاری اور اس تسلی کے تھے کہ جو مجھے روضۂ رسولﷺ پر حاضری دے کر ملی، مجھے ایسا محسوس ہوا جیسے وہ میری عقیدت کو دیکھ رہے ہوں۔ یہ سفر ہمیشہ میرے دل کے قریب رہے گا"

حنا خان نے حضرت ابو ایوب انصاریؓ کے گھر کی تصاویر شیئر کیں جہاں آپﷺ نے کچھ عرصہ قیام کیا تھا، انہوں نے اس مسجد اور تالاب کی تصاویر بھی شیئر کیں جہاں آپﷺ نماز پڑھتے اور پانی پیتے تھے۔